Հիմա Արգամիչը նոր «գրեֆներ կանի՞».VIDEO

COMMENT

Հիշում ե՞ք, որ մի ժամանակ Հովիկ Աբրահամյանը, երբ դեռ վարչապետ չէր դարձել, խոսում էր ինչ-որ «մամուլի հաստավիզ ներկայացուցիչների» մասին, որոնք իբրև իր դեմ պատվեր են կատարում: Բայց արի ու տես, որ լրատվական դաշտում «բարակավիզներ» էլ կան, ովքեր եռնադով պաշտպանում են լոլիկագործ վարչապետին: Նման «բանակ» ունենալը, իհարկե, լավ բան է, հատկապես որ այդ «բանակը»` ղեկավարվում է (հաստավիզ թոշակառուների կողմից) մի այլ կարգի պաթոսով և «ռազմահայրենասիրությամբ» շեշտում է Հովիկ Աբրահամյանի նշանակությունը Հայաստանի քաղաքական կյանքում և եթե այդ տեմպերով շարունակվի՝ միգուցե մի օր էլ կշեշտվի Հովիկ Աբրահամյանի նշանակալի դերը Հայոց պատմության մեջ, իսկ ավելի մանրամասնորեն՝ Հայաստանի լոլիկագործության և Հայաստանի ձկնաբուծության պատմության մեջ:

Հովիկ Աբրահամյանի դերն այնուամենայնիվ չի կարելի հերքել: Օրինակ, անգնահատելի է նրա դերը հայ օլիգարխիայի կայացման գործում. Հայաստանի քաղաքական դաշտում քավոր-սանիկական և խնամիա-բարեկամական կապերի արժեվորման գործում: Արգամիչը լուրջ դերակատար է, հակապես որ ունի այդպիսի «բանակ», որը հիշեցնում է, թե ով է եղել ինքը:
Մի քանի բան էլ փորձեմ ես հիշեցնել. Հովիկ Արգամիչն այն մարդն է, ում շնորհիվ համայն հայությունն իմացավ Մխչյան գյուղի մասին, ով լոլիկներ աճեցնելով Մոնումենտում իր համար ՀՀ Ազգայի ժողով 2 կառուցեց, ով ամեն ինչ արեց և անում է, որպեսզի հայ օլիգարխի «ոտնահարված» իրավունքները միշտ «պաշտպանված» լինեն:

Արգամիչը նաև լավ կովբոյական պարեր է պարում, լավ քար է գցում՝ ուրիշի բոստանը, նաև չի արդարացնում իր վրա դրված հույսերը: Օրինակ, նախկին վարչապետ Տիգրան Սարգսյանի բոստանը մեծ-մեծ քարեր նետելուց և նրա աթոռին տիրանալուց հետո այդպես էլ չկարողացավ ուղղել նախկին վարչապետի սխալներից որևէ մեկը, չկարողացավ ամենակարող արգամիչը փրկել մեր տնտեսությունը: Բայց ոչինչ, նա «բանակ» ունի...
Բացի այդ, Արգամիչը ճանապարհորդել է սիրում՝ Քուվեյթ, հետո Եգիպտոս: Մի խոսքով՝ «տժժում» է: Ի դեպ, «տժժալուց» էլ չի մոռանում պետբյուջեի փողերը տեղը տեղին մսխել: Օրինակ այս տարվա փետրվարի 5-6-ին նրա կատարած այցը մոսկվա նստեց 25 միլիոն 800 հազար դրամ: Երևի Արգամիչը Մոսկվա տիեզերանավո՞վ է թռչում, որ այդքան թանկ է նստում մեր պետբյուջեի վրա...

Իսկ Եգիպտոսում հիմա երևի արև է, ծովափ... Ի դեպ, արգամիչի պատվիրակությունը տեսնես արաբերեն գիտի՞: Դժվար թե իմանա: Իսկ այ 2 ամիս առաջ պարզվել էր, որ մեր փառապանծ վարչապետը բյուջեից 20 միլիոն դրամ է տրամադրել ՀՀԿ-ական պատգամավոր Ռուզաննա Մուրադյանին պատկանող ինչ որ հ/կ-ի, որպեսզի վերջինս ՀՀ-ի դպրոցներում չինարենի դասընթացներ անցկացնի: Այ եթե Արգամիչը 2 ամիս առաջ իմանար Քուվեյթի և Եգիպտոսի մասին, մի 20 միլիոն դրամ էլ երեւի «գրեֆ»կաներ արաբերեն սովորելու համար. հիմա միգուցե մի երկու փողոտ շեյխ «կկպցներ»:
Թե չէ չինարենով ու ռուսերենով արաբ շեյխին կպցնելը ո՞րս ա: Արաբները չինական «կուտ» չեն ուտում Արգամիչ, այ դրա համար են ասում՝ լեզու սովորեք, լեզու: Հետո ի՞ նչ, թե ձկները խոսուն չեն, լեզու չունեն ու ձկնաբուծության մեջ էլ օտար լեզու պետք չի գալիս: Բայց մի օր էլ Մխչյանից դուրս գալ կա, Քուվեյթ ու Եգիպտոս գնալ կա, չէ՞: Թե չէ Արգամիչ ջան մի Ռուզան Մուրադյանով, մի չինարենով, բարակավիզներով ու թոշակառու «սաստավով», էլ չհաշված նրանց թելադրած պրիմիտիվ «շարադրություններով» ու «բլթոցներով», որոնց ականջները մինչեւ խորքը երեւում են, Հայաստան շեյխ չի գա:

Հ.Գ
Ախր այ արգամիչ, էս էլ հո՞ պարզ ու արդար մի գյուղացի չի, որ վզիդ հնարավորությունները ցույց տաս, կամ էլ հո՞ բամփելու գործ չի, որ առաջին շարքերում դու լինես, էս արդեն շեյխերի հետ գործ ունես արգամիչ, որոնց ոչ «բամփել կըլնի, ոչ էլ կպցնել»:

 Շարունակելի...

Արտյոմ  Եդիգարյան