Հիմա մեկը մեզ կասի. թե ո՞վ բռնեց ոչխարի ոտքերը, ո՞վ «մորթեց» բյուջեի փողերը, եւ ո՞ւր տարավ ավարը

Դե հիմա ո ՞ նց չասես. ա'յ մուզիկանտ վարչապետ, ոչխար բուծելն ու ծիրան աճեցնելն էլ, հո   կիթառ նվագել չի ՞, որ խմես ու «քոքես… 

Չնայած նրան, որ այս օրերին հայաստանյան օրակարգը բավականին հագեցած է, քանի որ մի կողմում քաղաքական տրիոն է, մյուս կողմում` դաշնակցական տրնգին, ասում են հաշված օրեր անց, այն առավել հետաքրքիր ու ինտրիգային է դարձնելու ՀՀ Վերհսկիչ Պալատը`իր նոր հայտարարություններով ու փաստերի հրապարակմամբ: Ըստ որոշ լուրերի, խոսք է գնում այն մասին, որ այդ հայտարարությունները պատռելու է նրանց դեմքը, որոնք այս օրերին փորձում էին մի կերպ փրկել իրենց «մորթիները»:

Մեր ունեցած տեղեկություններով, հատկապես լուրջ ամպեր են որոտալու «Արալեռ ՏՈՏ» ընկերության, եւ «Հայկական միրգ» ընկերության տխրահռչակ գործունեության վերաբերյալ, որոնց հնարած հեքիաթների ու ստի տոպրակների առատության պայմաններում աֆրիկյան մոտիվներով կարելի է մի նոր սերիալ նկարահանել. մենք ենք` մեր ծիրանն ու էդիլբաեւները անվանումով:

Մեզ հասած տեղեկություններով, այդ օրը իր ողջ հմայքով փայլելու է հատկապես «Հայական միրգ» ընկերության ներկայացուցչի եւ Զիմվաբվեի մեծն գործարարի ռոմանտիկ ու խորհրդավոր «բիզնես-տնտեսական» նշանակության նամակագրությունը , ինչն էլ իր հերթին, պոտենցիալ ազգային խայտառակության վկայություն է լինելու:

Այն, որ ՎՊ-ի ձեռքից չէին կարող պրծնել տեղական «շուլլերներն» ու բյուջեն թալանածները, այդ մասին գիտեին շատերը, բայց որ արդեն ՎՊ-ն Զիմվաբվեներում «պախկվածների» վզից էլ էր  բռնելու, ու ասելու. ո՞ւր են այն միլիոնները որ «տակով եք» արել, սա արդեն իսկապես հետաքրքիր էր, քանի որ ստացվում է, կեղտոտ պոչերը ՀՀ-ի սահմաններից դուրս հանելու դեպքում էլ, միեւնույնն է, մի գեղեցիկ օր «բերման ես ենթարկվելու», ու համապատասխան կառույցների կողմից անկյուն կանգնելու `գողոնը ետ վերադարձնելու համար:

Հավանաբար երեւի այս եւ այլ հանգամանքներն են ստիպում ոմանց մի քանի լարի վրա խաղալ նաեւ տեղեկատվական դաշտում` փորձելով լվանալ հանրային լսարանի ականջները, քանի որ շատերը գուցե դեռ այն կարծիքին են, որ մեր կիթառիստ ու «ջութակ քոքող» Տիկոն այդ ժամանակ կրկին փորձել է իրագործել իր գիտաֆանտաստիկ մտահղացումները:
Մեր Տիկոն ա էլի, հիմա մի հայակական միրգ ընկերություն ա մոգոնել, Զիմվաբվեում էլ` մի Պիլիպոսի է գտել  ու ՀՀ-ի փողերը փորձել է մաքուրով լավանալ ու մի քիչ էլ Զիմվաբեներին «գրեֆ» անել, դե իսկ հետո էլ ջհանդամ, թե տեղական ու պետական բուրդն էլ չի խառնվի իրար:

Հիշեցնենք, որ օրեր առաջ, երբ ՎՊ-ն ԱԺ-ում ֆինանսավարկային եւ բյուջետային հարցերի մշտական հանձնաժողովի անդամներին էր ներկայացրերլ ՎՊ-ի 2013 թթ-ի ուսումնասիրությունները, ի թիվս այլ բազում բացահայտումների, ու խայտառակ «ատկատների» գյուղական ենթավարկերի եւ գյուղատնտեսական ներդրումների ծրագրերում նույնպես բազմաթիվ խախտումներ էր գտել:

Հիշեցնենք, որ այդ խախտումների ցանկում ամենաանեկդոտիկը «Արալեռ ՏՈՏ» ընկերության կողմից չմաքսազերծված եւ անօրինական ճանապարհով ՀՀ ներթափանցած ղազախական ֆիրմայի ոչխարների պատմությունն էր, որի համար մեր նախկին հանճարեղ վարչապետը բյուջեից միլոններ է, որ դուրս էր գրել: Եւս մեկ անգամ, փորձենք հասկանալ, թե ինչու: Որովհետեւ սաղ պարերը պարել էինք, մնացել էր, որ Ռեվազի ոչխարներն էլ ուտեինք, ու ամեն ինչ կընկներ իր տեղը…

Ստացվում է, որ «բանից բեխաբար» «Արալեռ ՏՈՏ» ընկերությունը, օֆշորագետ Տիգրան Սարգսյանի կառավարությանն է ներկայացրել ծրագիր ու ասել, որ 1350 գլուխ «էդիլբաեւ» տեսակի ոչխար է ներմուծելու: Քանի որ դրանք ունեն բարձր ծնելիություն, բարձր մսատվություն, բարձր կաթնատվություն եւ բրդատվություն: Որի համար էլ, գումար է վերցրել` 150 մլն դրամ, դե իսկ պետությունն էլ որոշակի  շահաբաժնով պարտնյոր է դարձել`հավանաբար ձախ ականջը կտրած Էդիլբաեւների կեսը խորոված, կեսը`խաշլամա պատրաստելու համար:
Բայց ի՞նչ է պարզվում.պարզվում է, ըստ ՊԵԿ-ի տրամադրած տեղեկատվության`2012-2013-ին ընդհանրապես ՀՀ «էդիլբաեւ» տեսակի ոչխար չի ներմուծվել ոչ մի ընկերության կողմից: Այդ գումարով  գնել են ընդամենը 915  գլուխ տեղական գառներ ու ոչխարներ: 
Ու հիմա եթե ոչխար բուծողները պնդում են, որ դրանք տեղական գառներ չեն, այլ ներմուծված ղազախական ոչխարներ են, ապա միգուցե ասե՞ն, թե որ սարով ու ձորով են տեղ հասցրել «էդիլբաեւներին»: 

Ինչի՞ համար: Ի՞նչ կարիք կա անիմաստ տեղը վատնելու այդքան ջանք ու եռանդ, գնալու հեռավոր երկրներ, եթե կարելի է փոխարենը Աշտարակից գնել`հլու-հնազանդ գառներ եւ այն ղազախականի տակ «սղացնել», չէ ո՞ր իսկապես հնարամիտների ակումբն էր հիշեցնում Տիգրան Սարգսյանի կառավարությունը, որին եթե թողնեիր հայկական էդիլբաեւ չէ, հայկական ծագումով սիրամարգ էլ կստանար:

Եթե Տիգրան Սարգսյանը լավ վարչապետ լիներ եւ հայտնի չլիներ միայն «կովերի կրծքերը գոլ ջրով լվանալու» կարգի խորհուրդներով, արտագաղթի մասին արած իր կատակներով, եւ վերջապես, եթե հայտնի չլիներ որպես օֆշորի Տիգրան, ապա որեւէ մեկը նրան չէր ասի. «Գործդ թողած՝ինչո՞ւ ես թիթեռ նկարում», Էդիլբաեւ տեսակի ոչխարներ բազմացնում ծիրան աճեցնելու համար հատորյակներ գրել տալիս. երբ երկիրդ աղքատության ու սոցիալական անարդարության մեջ խեղդվում է…կամ էլ սա իսկապես այն դեպքն է, որ իշխանությունների ախորժակը միայն էդիլբաեւ տեսակի, ոչխարներ ուտելուց է բացվում…

Ու այսքանից հետո մեզ մնում է մի հարց տալ, հիմա ով ում է ուզում իսկական ոչխարի տեղ դնել…

Հիմա մեկը մեզ կասի, թե ո ՞վ բռնեց ոչխարի ոտքերը, ո ՞վ մորթեց բյուջեի փողերը, եւ ո ՞ւր  տարավ ավարը:

Դե հիմա ո ՞ նց չասես. այ մուզիկանտ վարչապետ , ոչխար բուծելն ու ծիրան աճեցնելն էլ, հո ՞ կիթառ նվագել չի ՞, որ խմես ու «քոքես… »

Սոնա  Ավագյան