Հոգեւորսությունը վերանում է՝ հոգեւորսությամբ

Մինչ մեր չինովնիկներն իրենց սրբերի դասին են պատում, օրը մեջ՝ մեկը մյուսի հետեւից «ծլում» են նոր կրոնական կազմակերպություններ, որոնց դեմ տարվող պայքարի շուրջ էլ, Fnews.am-ը զրուցեց Քայքայիչ աղանդներից տուժածների օգնության եւ վերականգնողական կենտրոնի տնօրեն Ալեքսանդր Ամարյանի հետ.
-Պարոն Ամարյան, եթե մի քանի կրոնական կազմակերպություններ այս կամ այն պատճառով անկյուն են մղվում, ապա հաշված օրեր անց բացվում են նույն գործառույթն իրականացնող մեկ այլ դուստր կրոնական կազմակերպություններ: Կնշե՞ք այն մեթոդները, որոնցով կարելի է պայքարել այս ամենի դեմ:
-Պետք է հասկանալ, որ պայքարը չպետք է տարվի ժողովրդի դեմ, որովհետեւ այդ նույն կառույցների անդամները մեր հայ ժողովուրդի մասնիկն են: Մենք պետք է պայքարենք հստակ խնդրի եւ ղեկավարների դեմ: Օրինակ՝ «Կյանքի խոսքի» հետ կապված դեռ անցած տարվա հոկտեմբեր կամ նոյեմբեր ամսին ես ասացի, որ արդեն ժամանակն է եկել, «Կյանքի խոսքը» վերանա եւ դրա փոխարեն պետք է պատրաստվի մեկ այլ կառույց: Դրանից հետո՝ մարտին հայտարարվեց, որ նրանց կառույցը փակվում է, այդ հայտարարությունից հետո մարդկային մեծ հոսք նկատվեց «Կյանքի խոսքից»:
Հարկ է նկատել, որ կյանքի խոսքը գնաց այդ քայլին, քանի որ դարձել էր բոլորի թիրախը, բոլորի ուշադրությունը սեւեռվել էր «Կյանքի խոսքի» վրա, իսկ մնացածներն այդ ընթացքում կամաց-կամաց աճում էին: Այն կառույցը, որը պետք է բացվի, ես դրա անունը չեմ հրապարակի, ավելորդ գովազդի կարիք չկա:
-Պետական մակարդակով հնարավոր չէ՞ պայքարել այս խնդրի դեմ:
-Որեւէ պայքար պետական մակարդակով չի տարվում: Ֆրանսիայում այս հարցի վերաբերյալ չորս անգամ լուրջ քննարկում եւ ուսումնասիրություն է անցկացվել: Պայքարելու համար մարդիկ են հարկավոր, որոնք կարող են պայքարել. մենք մարդկային ռեսուրս չունենք: Պետք է խելացի գործել, «Էմոների» մասին խոսեցին, քայլեր ձեռնարկեցին ու հիմա ինքնասպանությունները շարունակվում են, նրանք ընդհատակյա կյանքով են ապրում եւ իրենց գործն անում: Պետք է հասկանալ, որ հոգեւորսությունը վերանում է՝ հոգեւորսությամբ: Մարդկանց պետք է համոզել, որ իրենք սխալ են, բայց ոչ թե ծեծի կամ ուժի միջոցով, այլ մեկ ուրիշ՝դա պետք է անի համապատասխան պատական մարմինը:
-Բազմիցս խոսվել է աղանդ ասվածի միջոցով գումարներ պտտացնելու մասին: Սրա հետ կապված, ի՞ նչ կասեք:
-Ոչ մի պետական մարմին օժտված չէ նրանց դեմ պայքարելով, ցույց տվեք մի մարմին, որն իր կանոնակարգով պետք է պայքարի դրա դեմ, իսկ եթե լիազորություններ չունենք, ապա այդ ամենի տակ կարելի է նաեւ ֆինանս աշխատել, կոռուպցիոն ռիսկեր օգտագործել, որովհետեւ դրա համար ոչ ոք ոչ մեկին չի մեղադրի:
-Իսկ միգուցե այստեղ այլ խնդիր կա. գուցե չինովնիկներն էլ ե՞ն ներգրավված որոշ կրոնական կառույցներում: Դուք ժամանակին պետական կառույցներում աշխատողների անուններ էիք թվարկում…
-Այդ հանգամանքը եւս կա: Իսկ ինչ վերաբերում է, որ ժամանակին որոշ պաշտոնյաների անուններ եմ թվարկել, ապա ասեմ, որ հայտարարությունիցս հետո լրատվամիջոցների կողմից սկսվեցին բողոքի որսերը, այլեւս անուններ չեմ հնչեցնում: Այն մարդկանց անունները, ումը նշեցինք, նրանց ընտանիքի անդամներին այն օրը գցեցին լրատվամիջոցները, որ նրանք ստիպված թողեցին ու գնացին այստեղից, ես իմ լուման չեմ ներդնելու, որ հայերը լքեն մեր երկիրը…
Բայց այդ ամենի դեմ պայքարել`միշտ է պետք:

Սոսե  Չանդոյան