Հոգևոր Հայաստանը պետք է հաղթի նոր Հայաստանին. Բագրատ Սրբազան

«Բեկում» համաերիտասարդական ֆորումի ժամանակ Տավուշի թեմի առաջնորդ, Գերաշնորհ Տ. Բագրատ արքեպիսկոպոս Գալստանյանը հայտարարեց, որ մեր խոցված իրականությունը խոսում է նաև մեր հոգևոր, արժեքային ճգնաժամի մասին:

«Գործածիդ համար պետք է պատասխան տաս. Անընդհատ խոսել ենք քաղաքացի պատրաստելու մասին, բայց ո՞վ է խոսել Մարդ պատրաստելու, ինքնություն պատրաստելու, ինքնության հետ հաշտ լինելու մասին և ամենակարևորը՝ քաղաքացիական հասարակություն պատրաստելուց առաջ բարոյական հասարակություն պետք է ունենալ․ խնդիր է , որ քեզ ներկայացնողը, քո կառավարիչը ոչ ամոթ, ոչ վախ, ոչ բարոյականություն ունի։ Մեր այսօրվա կյանքը գողացված ուրախության, գողացված պատվի ժամանակաշրջան է և մենք կոչված ենք վերականգնելու այն։ Տաճարը պետք է հաղթի փողոցին, այսինքն դրանք այն բարքերն են, որոնք կան մենզանում։ Հոգևոր Հայաստանը պետք է հաղթի նոր Հայաստանին․ սա պետք է լինի մեր նշաբանանը․․․Ամեն հայ պետք է արթնանա այս պատգամով և Տեր Եսայի մարգարեի խոսքերը քիչ փոխած ասեմ՝ չե՛մ մոռանալու հանուն քեզ Հայաստա՛ն, չե՛մ ներելու հանուն քեզ Արցա՛խ»,-ասաց Սրբազանը։