Հովիկ Աբրահամյանն անձամբ է պատասխան տալու

Մենուա Հարությունյանը ֆեյսբուքյան իր էջում գրել է.

Որձ կովերի "սիրահար" Հրանտ Բագրատյանը՝ քաղաքականությամբ զբաղվելու համար խելք պետք չէ սկզբունքով առաջնորդվող վարչապետի PR-շի՞կ: Նախկին վարչապետ Հրանտ Բագրատյանը դարձել է գործող վարչապետ Հովիկ Աբրահամյանի PR-շիկը և գովաբանողը : Հրանտ Բագրատյանը ցանկացած հրապարակային առիթ օգտագործում է՝ փնովելու Տիգրան Սարգսյանին, մեծարարելու Հովիկ Աբրահամյանին: Շատ կցանկանայի, որ Հովիկ Աբրահամյանն իսկապես ունենար հաջողություններ վարչապետի պաշտոնում և բոլորս առիթ ունենայինք հիանալու նրա աշխատանքով: Մամուլը գրել է, որ Հովիկ Աբրահամյանը Հրանտ Բագրատյանին Կենտոնական բանկի նախագահի պաշտոնն է խոստացել (այլ հարց է, որ այս մասշտաբի խնդիրները Հովիկ Աբրահամյանը չի որոշում) և, միգուցե, Հրանտ Բագրատյանին՝ Հայաստանի գլխավոր դրամատան գլուխ լինելու հեռանկա՞րն է ոգևորում՝ գովաբանել գործող վարչապետին: Փաստորեն, Հովիկ Աբրահմյանը շարունակում է իր ձախողումներն ու բացթողումները՝ սեփական թիմի անդամների ուղղությամբ շեղելու քաղաքականությունը, և հիմա էլ փորձում է իր տնտեսական բլոկի ձախողումը բարդել ԿԲ-ի վրա , ինչն ուղղակի անհեթեթ և ծիծաղելի է, քանզի և՛ Տիգրան Սարգսյանին, և՛ Արթուր Ջավադյանին հաջողվել է կայացնել ԿԲ-ի ինստիտուտը և, պետք է նկատել, որ հենց ԿԲ-ի ջանքերի շնորհիվ է կասեցվել դրամի արժեզրկումը, ինչը երկարացրեց Հովիկ Աբրահամյանի պաշտոնավարումը: Հայաստանի տնտեսական վիճակի պատասխանատուն վարչապետն է և, որքան էլ Հովիկ Աբրահամյանն իր թիմի անդամների ուղղությամբ նետի բողոքի ալիքը, միևնույն է, անձամբ է պատասխան տալու տնտեսական իրավիճակի համար, իսկ այն, որ բիզնես մթնոլորտը գոհ չէ տնտեսական իրավիճակից և այն, որ օր-օրի առավել շատ գործարարներ իրենց հույսը կտրում են վարչապետի գործողություններից , սա ևս փաստ է :