Հովիկ Աբրահամյանը չի կարող զայրանալ

Չնայած այն բանին, որ ՀՀԿ-ական կանանց մի զգալի մասը խորհրդարանում ջանք ու եռանդ չէր խնայում ձեւացնելու, թե ՀՀ վարչապետ Հովիկ Աբրահամյանը ՀՀԿ-ական տիկնանց հետ ժողով էր անցկացնում, ոչ թե Ծիծեռնակաբերդի, այլ բոլորովին այլ հարցերի հետ կապված, այդուհանդերձ, նիստին ներկա ՀՀԿ-ական տիկնանցից մի երկուսը չկարողացան թաքցնել իրենց սրտնեղվածությունը` Հովիկ Աբրահամյանից: ՀՀԿ-ական կանանցից մեկն էլ, ում անունը հասկանալի պատճառներով չենք կարող հրապարակել, խիստ վրդովված էր այն հանգամանքից , թե ի վերջո, ինչ կապ ունի Արգամիչը կնանոնց գործերի հետ, ի վերջո ԱԺ նախագահ կա, ԱԺ-ի ղեկավարություն, կա...
Իսկ ահա մեկ այլ այլայլված ՀՀԿ-ական տիկին Ռուզան Մուրադյանն Fnews.am-ի  հարցին ի պատասախան, թե ճիշտ են արդյո՞ք այն խոսակցությունները, որ Հովիկ Աբրահամյանը ՀՀԿ տիկնանց հետ շատ խիստ ու կոշտ տոնով է խոսել` քննադատելով Ծիծեռնակաբերդի հայտնի միջադեպը, տիկին պատգամավորուհին խիստ նյարդային տոնով արձագանքեց, թե նա չի կարող զայրանալ ու մեզ բան ասել. <էս ինչ բան ա տո, մեղա քեզ Տեր Աստված>, այդպես Աստծուն ապավինելով էլ  Մուրադյանը շտապեց նիստերի դահլիճ:

Իսկ քիչ ավելի ուշ Ռուզան Մուրադյանը լքելով նստերի դահլիճը մոտ 40 րոպե  ԱԺ միջանցքում ապավինել էր իր բջջային հեռախոսին, իսկ ահա դահլիճ վերադառնալուն պես , նա ինչ-որ հաստափոր դավթար էր քչփորում`տպավորություն թողնելով, որ նա զբաղված է խիստ գիտահետազոտական  ու  ուսուցչական գործերով...