Հովիկ Աբրահամյանը համոզո ՞ւմ է խնամի Ծառուկյանին

ԱՍԵԿՈՍԵ

Մինչ մամուլը շարունակում է քննարկել գործարար, ԲՀԿ  նախկին առաջնորդ Գագիկ Ծառուկյանի վերադառնալ-չվերադառնալու հարցը մեծ քաղաքականություն, Գագիկ Ծառուկյանի խնամի Հովիկ Աբրահամյանը (շրջանառվող լուրերի համաձայն) պարբերաբար հյուրընկալվում է  Ծառուկյանի  տանը՝ համոզելով նրան վերադառնալ քաղաքականություն:

Ասում են Արգամիչն ամեն գնով փորձում է խնամուն հավաստիացնել, որ իր վերադարձով շատ բան կարող  է փոխվել երկրում, մասնավորապես Արգամիչի սեփական կյանքում: Նույն լուրերի համաձայն խոսվում է, որ Ծառուկյանը Աբրահամյանին ամեն կերպ բացատրում է, որ իր համար առանց քաղաքականության էլ ամեն ինչ շատ լավ է, եւ որ ինքը այս երկրում առանց Արգամիչի ու քաղաքական կուսակցության էլ՝ հարգված անձնավորություն է, եւ որ իր համար նախընտրելի է մնալ սպորտի բնագավառում՝ իրականացնելով ավելի լուրջ ծրագրեր ու գաղափարներ: Սակայն Արգամիչը չի դադարում համառել, որ առանց քաղաքական խաղերի սպորտն արժեք չի ունենա, երբ երկրում ՌԴ-ի հետ սերտ կապեր ունեցող ազդեցիկ դեմքերը գնալով ամրապնդվում են...

Եթե իրականում այդպես է, ապա հարց է առաջանում.ի՞նչ հեռահար  մտքեր կարող է ունենալ  Արգամիչը, որ նորից  գնում է Ծառուկյանի դուռը...Նախորդ անգամ բամփելը կարծես թե Արգամիչի մոտ չստացվեց, հետաքրքիր է այս անգամ ի՞նչ կա Արգամիչի մտքում՝ խնամու հետագա ծրագրերի ու նրա գործունեության հետ կապված: