Հովիկ Աբրահամյանը հեռանո՞ւմ է...

"ԵՏՄ-ն նոր խնդիրներ է դնում կառավարության առջեւ եւ հնարավոր է կադրային փոփոխություններ լինեն, միայն դրանով կարելի է բացատրել կամ արդարացնել առաջիկա հնարավոր կադրային փոփոխությունները: Երբ մենք` սոցիալոգներս, փորձում են ք հասկանալ, վերլուծել, թե ինչը կարող է դառնալ Կառավարության փոփոխության պատճառը, հասկանում ենք մի բան.  ԵՏՄ-ին անդամագրվելուց հետո Կառավարությունում պետք են մարդիկ, որոնք ունակ են նոր պայմաններում ավելի արդյունավետ աշխատել",- Fnews.am-ի  հետ զրույցում անդրադառնալով վերջերս մամուլում ակտիվ քննարկվող թեմաներից մեկին, կառավարության  հնարավոր կադրային շարժերի  ու մասնավորապես վարչապետ Հովիկ Աբրահամյանի փոփոխության հարցին, ասաց  սոցիոլոգ Ահարոն Ադիբեկյանը:

- Ամեն դեպքում հնարավոր համարո՞ւմ եք վարչապետի Կառավարությունից հեռանալը:

-Դա չեմ կարող ասել, բայց խաղի կանոնները հիմա լուրջ փոփոխության են ենթարկվում, այսինքն նա պետք է բավական սերտ աշխատանքային հարաբերություններ ունենա Մեդվեդեւի, Նազարբաեւի, Լուկաշենկոի հետ: Եվ, գուցե նրանց միջանձնական հարաբերությունները եւս պետք է լինեն ավելի ջերմ, ավելի սերտ, իսկ կոնկրետ Լուկաշենկոյի եւ Նազաբարեւի հետ կապված, դա  բավական լուրջ խնդիր է, այսինքն ամեն բան հնարավոր է: Դրա համար ասում եմ խաղի կանոնները փոխվել են եւ չի բացառվում, որ Կառավարության որոշ կադրեր, որոնք մինչ այդ հարմար էին իրենց պարտավորությունները կատարելու մեջ, հիմա կանգնած են դժվարությունների առջեւ եւ գուցե դրա հետ կապված  առաջիկայում լինեն կադրային փոփոխություններ:

Նոնա  Ադամյան