Իբր ես մեղք դեմքով խնդրել եմ վարչապետին, դա ուղղակի աբսուրդ է...

Վանաձորի քաղաքապետը վերջերս շատ է ակտիվացել և գրեթե ամեն շաբաթ մի նոր հոդվածի  կարելի է հանդիպել մամուլում ՝ Վանաձորի քաղաքապետի ՝ լոռեցուն բնորոշ միամիտ արկածների մասին: Այն  որ Վանաձորի քաղաքապետ Սամվել Դարբինյանը մտերիմ է ՀՀ վարչապետ Հովիկ Աբրահամյանի հետ, դա վաղուց արդեն գիտեին շատերը: Բայց որ հարաբերություններն այնքան են ջերմացել, որ քաղաքապետը անձնական խնդրանքներով է դիմում Արգամիչին, դա չէր կարող չհետաքրքրել և չզարմացնել: Սակայն քաղաքապետից ավելի մտահոգիչ խնդրանք անգամ սպասել չէինք էլ կարող:
Հիշեցնենք, որ մայիսի 15-ին Լոռու մարզում վարչապետի անցկացրած խորհրդակցության ժամանակ Սամվել Դարբինյանը Արգամիչին շատ լուրջ դեմքով թախանձել է լրագրողների դեմն առնել, որպեսզի ինքը կարողանա լցնել քաղաքի բյուջեն: Այս եւ մի քանի այլ հարցերի մեկնաբանությունը ստանալու համար էլ Fnews.am-ի թղթակիցը կապ հաստատեց Սամվել Դարբինյանի հետ.

-Պրն. Դարբինյան մամուլը չի դադարում գրել Ձեր նոր սկանդալային խնդրանքի մասին : Ըստ այդ հրապարակումների Դուք խնդրել եք վարչապետին արգելել լուսաբանել Ձեզ վերաբերվող լուրերը , քանի որ դրանով նրանք խանգարում են Ձեզ ՝ լցնել քաղաքի բյուջեն: Ինչպե՞ս կմեկնաբանեք շրջանառվող լուրերը:
- Ախ այդ անտեղյակ լրագրողները, վայ, վայ: Գիտեք ինչ, ես չեմ ասել, որ ինձ խանգարում են լրագրողները , ես ասել եմ, որ խանգարում է Լոռու մարզի լրագրողներց ՝ Նարինե Ավետիսյանը: Իսկ լրագրողների դեմ ախր ես ոչինչ չունեմ, ուղղակի ասուլիսներից հետո ամեն լրագրող իր նյութում իր երևակայությունն է ցուցադրում: Մեքենաների մասին էլ նման խառնաշփոթ ստեղծվեց, բայց վերջում նորից համոզվեցին Ձեր այդ լրագրողները, որ ես ոչ մի մեղք չունեի:

-Իսկ Ի՞նչ մեղք ունի այս կամ այն լրագրողը, կամ լրատվամիջոցը, երբ տարիներ շարունակ Ձեր քաղաքի ճանապարհները օրինակ անմխիթար վիճակում են: Որոնք ավելի շատ ջրափոսեր են հիշեցնում, մարդիկ կոտրում են մեքենաները՝ քարուքանդ փողոցների պատճառով:

-Գիտեք ես մեղավոր չեմ, որ ՙՙԴառոժնիկ՚՚ կազմակերպությունը խախտեց մեր պայմանավորվածությունը և ուշացնում է բարեկարգումը: Ես անգամ մամլո ասուլիսներ եմ հրավիրել և լրագրողներին կոչ արել միանալ ինձ և օգնել բողոքս տեղ հասցնել: Բայց մեր լրագրողները սիրում են ճոխացնել ամեն ինչ: Իբր ես մեղկ դեմքով խնդրել եմ վարչապետին և այլն .. դա ուղղակի  աբսուրդ է : Փողոցների բարեկարգումն էլ շուտով կսկսվի, քանի որ ես բողոք եմ ներկայացրել ,, Դառոժնիկ ՚՚ կազմակերպության դեմ, հուսով եմ ամեն ինչ կհարթվի,,, համ էլ ջրմուղն էլ թող էտ հարցով զբաղվի, որ քաղաքապետ ենք հո չենք ընկել վատ բաների մեջ :

-Իսկ ի՞նչ կասեք Ձեր եղբոր գործունեության մասին: Ի վերջո, նրա ղեկավարած «Լոռի ՃՇՇ» ՓԲԸ­ի կողմից են շատ հաճախ իրականացվել համայնքային ճանապարհների վերանորոգման աշխատանքները:  

-Գիտեք թող ամեն մեկն իր մասին խոսի, դա էլ իրենից հարցրեք:

Աննա  Առաքելյան