Իմ ամենամեծ երազանքն այն է, որ «Բարսելոնայի» դեմ խաղամ բարձր մակարդակով. Ռոնալդու

Մադրիդի «Ռեալի» հարձակվող Կրիշտիանու Ռոնալդուն իր հույսերն է հայտնել Իսպանիայի առաջնության 9-րդ տուրի՝ «Բարսելոնայի» դեմ լավ խաղալու վերաբերյալ: Այդ խաղում պորտուգալացի գոլահարը կխաղա իր նոր՝ Mercurial Superfly CR7 խաղակոշիկներով:

«Իմ ամենամեծ երազանքն այն է, որ խաղամ բարձր մակարդակով, որքան կարողանամ: «Բարսելոնայի» դեմ խաղին բարձր մակարդակի մարզավիճակում եմ ոչ թե նրա համար, որ դա Կլասիկո է կամ դերբի: Ինձ միշտ դուր է եկել նոր խաղակոշիկներ փորձելը: Բայց ուզում եմ խաղալ այն խաղակոշիկներով, որոնց մեջ ես ինձ լավ կզգամ: Այդ պատճառով էլ այս հանդիպումը յուրահատուկ է լինելու: Ես բոլոր խաղերին էլ հավասարապես եմ պատրաստվում: Հուսով եմ, որ երկրպագուները հաճույք կստանան, իսկ ինձ կհաջողվի գոլ խփել»,- Ռոնալդուի խոսքերն է մեջբերում AS-ն: