Ինչ է սպասվում նախկին պատգամավոր Հակոբ Հակոբյանին` Ճոյտին
«Նրան մեղադրանք է առաջադրվել յոթ դրվագով, որից պատրաստ է հինգ դրվագով փոխհատուցում տրամադրել` մոտ ութսուն միլիոն, եթե դրանք ապացուցվեն դատարանում, չնայած վստահ է, որ ինքը որեւէ առնչություն չունի դրա հետ: Այստեղ ուշագրավ է այն, որ այդ կազմակերպությունները դեռեւս 2014 թ. հոկտեմբերին դիմել էին դատարան, պաշտպանյալս ասում է` թող դատարանը պարզի` արդյոք ես խուսափել եմ հարկերից, թե ոչ: Եթե այդ ակտերը իրավաչափ լինեն, ապա կփոխհատուցի, սակայն վստահ է, որ հարկային պարտավորություններ չունի: Իմ պաշտպանյալը դատարանում հայտարարեց, որ եթե պետությանը փող է պետք, ինքը պատրաստ է տալ, բայց ինքը մեղավոր չէ: Հակոբ Հակոբյանը մասնավորապես ասաց. «Ես գույք ունեմ, որն ավելի թանկ է, քան այս մեղադրանքի ծավալը, գույքս վերցրեք կալանքի տակ, եթե պարզվի, որ ես մեղավոր եմ, ապա թող գույքս առգրավվեն»: Բայց դատարանը դա էլ հաշվի չառավ ու կալանքի որոշում կայացրեց»,-Fnews.am-ի հետ զրույցում ասաց ԱԺ նախկին պատգամավոր Հակոբ Հակոբյանի փաստաբան Կարեն Սարդարյանը:
Նախկին պատգամավորը իր կալանավորման մեջ քաղաքական ենթատեքստ չի տեսնում.«Առայժմ ինքը նման հայտարարություն չի արել, դատարանում, քննչական գործողությունների ժամանակ եւս նման հայտարարություն չի արել»:
Փաստաբանը համոզած է, որ Հակոբյանի կալանավորումը անհիմն է.«Ես կարող եմ դա վստահորեն ասել, որ պաշտպանյալիս կալանավորունը ամբողջությամբ անհիմն է: Որովհետեւ էդ մարդը եւբեւիցէ չի խուսափել իրավապահ մարմիններից, երբեւէ չի լքել Հայաստանը, ունի մեծ սեփականություններ հայրենիքում եւ չի պատրաստվում հրաժարվել դրանցից»:
Թե քանի տարվա ազատազրկում է սպասում նախկին գործարարին` մեղադրանքը հաստատվելեւ դեպքում փաստաբանը բավական հետաքրքիր պատասխան տվեց.«Այստեղ հարցը զուտ գումարային է, իսկ իմ պաշտպանյալը վճարունակ է: Օրենքն էլ ասում է եթե էդ հոդվածներով մարդ իր պատճառած վնասը հատուցում է, ինքը ազատվում է քրեական պատասխանատվությունից: Այսինքն բավական է, որ Հակոբ Հակոբյանը այդ գումարը վճարի, ինքը այլեւս չի ենթարկվի քրեական պատասխանատվության, քանի որ օրենքը թույլ չի տալիս»:
Նոնա Ադամյան