Ինչ կաներ Հայկ Բաբուխանյանը, եթե լիներ վարչապետի պաշտոնում

«Իրավունք» զրուցակիցն է ՀՀ ԱԺ մի քանի գումարման պատգամավոր, ՍԻՄ կուսակցության նախագահ, «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, հայտնի քաղաքական գործիչ ՀԱՅԿ ԲԱԲՈՒԽԱՆՅԱՆԸ,  ում հետ բլից հարցազրույց ենք ունեցել օրենքից եւ քաղաքականությունից դուրս։

Ի՞նչը երբեք չի ների հայտնի քաղաքական գործիչը, որն՞ է երջանկության իր բանաձեւ, ո՞վ կամ ի՞նչը կարող է նրան հունից հանել, ո՞վ է այն մարդը, ով գիտի իր բոլորը գաղտնիքները, ի՞նչ կաներ պարոն Բաբուխանյանը, եթե մի քանի ժամով հայտնվեր վարչապետի աթոռին, ուշագրավ հարց ու պատասխանը ներկայացնում ենք ստորեւ.

-Պարոն Բաբուխանյան, հայրենիքը Ձեզ համար:

-Սրբություն:

-Արցախը:

-Հայրենիք:

-Զինվորը:

-Զինվոր:

-Քաղաքականությունը:

-Հայրենիքին ծառայելու միջոց:

-Եթե մեկ բառով բնութագրեք Ձեզ:

-Ես:

-Հաճա՞խ եք արտասվում:

-Երբեք:

-Ի՞նչը երբեք չեք ների:

-Ստորությունը:

-Ո՞վ կարող է լինել Ձեր ընկերը:

- Նա, ով ինձ հետ կիսում է իմ գաղափարական համոզմունքները, եւ գտնվում է ինձ հետ նույն բարոյա-արժեքային համակարգում:

-Երջանկության Ձեր բանաձեւը:

-Խաղաղ ու զարգացող Հայրենիք, առողջ ընտանիք, հարազատներ ու ընկերներ:

-Ո՞վ կամ ի՞նչը կարող է Ձեզ հունից հանել:

-Տգիտությունը, ամբարտավանությունը, ծուլությունը, ստորությունը:

-Կա՞ մի բան, որի համար ափսոսում եք:

-Չկա նման բան:

-Ո՞վ է այն մարդը, ով գիտի Ձեր բոլոր գաղտնիքները:

-Իմ գաղտնիքներն անգամ ես չգիտեմ:

-Ո՞ւմ եք դիմում, երբ հուսահատ եք:

-Հուսահատությունը տղամարդու համար չէ:

-Ձեր վերջին կարդացած գիրքը:

-Գիտական զեկույցների հավաքածու` «Ղրիմ-մշակույթ-տնտեսություն-քաղաքականություն»:

-Եթե մի քանի ժամով հայտնվեիք վարչապետի պաշտոնում, ի՞նչ կանեիք:

-Շուտով մեր շարժումը կվերցնի իշխանությունը եւ մենք այնտեղ կլինենք ոչ թե օրեր կամ ժամեր, այլ երկարատեւ կիրականացնենք մեր շարժման ծրագիրը:

-Եվ վերջում...

-Եթե մտածենք` ամեն ինչ լավ կլինի:

Հարցերը` ԻԼՈՆԱ ԱԶԱՐՅԱՆԻ

Iravunk.com