Ի՞նչ պարզեց դատարանը. Ինչո՞ւ Էր թոռը սպանել տատին, ով «Օժիտ» խանութների ցանցի սեփականատերն էր

Կենտրոն և Նորք Մարաշ վարչական շրջանների ընդհանուր իրավասության դատարանում դատավոր Արշակ Վարդանյանի գլխավորությամբ տեղի ունեցավ «Օժիտ» խանութների ցանցի սեփականատիրոջ՝ Սիլվա Գալստյանի սպանության գործով հերթական նիստը:

Ինչպես փոխանցում է SHAMSHYAN.com-ի թղթակիցը, նիստի ընթացքում տեղի է ունեցել գործով եղած ապացույցների հետազոտում: Պարզվել է, որ սպանության մեջ մեղադրվող Ալբերտ Մոմջյանը բարձրագույն կրթություն ունի, ավարտել է տնտեսագիտական համալսարանը, հոգեկան առողջության հետ կապված խնդիրներ չունի, ազատված է եղել զինվորական ծառայությունից:

Դատարանի որոշմամբ, վկաներ` ամբաստանյալի մայրը` Անահիտ Մարգարյանը և ընկերուհին պետք է բերման ենթարկվեին սակայն նրանց գտնվելու վայրը չէր պարզվել և արդյունքում դատարանը հրապարակեց նրանց, ինչպես նաև Ալբերտի խորթ եղբոր նախաքննական ցուցմունքները:

Ամբաստանյալի մայրը՝ Ա. Մարգարյանը, հայտնել էր, որ ամուսնալուծված է Ալբերտի հոր հետ, չի աշխատում, իսկ նախկինում աշխատել է որպես դերձակ:

Որդին նախկինում իր հետ է բնակվել, հետո տեղափոխվել է հոր մոտ և բնակվել տատի՝ սպանված Սիլվա Գալստյանի՝ Ձորաղբյուրի տանը: «Ինքն ապրում և շնչում էր հոր ու տատի օդով, այսինքն՝ նրանց հետ շատ մտերիմ հարաբերություններ ուներ: Ես Ալբերտի համար մի զույգ գուլպա անգամ չեմ առել, իսկ տատը նրան իր հետ Եվրոպա էր տանում»,- ցուցմունքում գրել է Ա. Մարգարյանն:

Նա նաեւ պատմել է .«Մի օր Սիլվան զանգեց, ասաց՝ արի, տղայիդ տար: Հոգնել էր նրա թափթփվածությունը հանդուրժելուց, նրա համար եփել-թափելուց, նա բողոքում էր, որ Ալբերտն առանց իրեն հարցնելու մեքենան փախցրել է, ինքն էլ Ալբերտի շորերը պատուհանից դուրս է նետել, վիճել են, դուրս է հանել տանից, իսկ Ալբերտն ասել է, որ չի գնա, քանի որ դա իր հոր տունն է»,- գրել է վկան:

«Ալբերտը իր տատին ավելի շատ էր սիրում, քան ինձ, միշտ ասում էր, որ ես իր համար բան չեմ արել, և որ տատն ու հայրն իր համար ամեն ինչ անում են»: Նաև հայտնել է, որ խանութի աշխատակիցներից է տեղեկացել, որ Սիլվան անհետացել է: Դրանից հետո խոսել է որդու հետ, սակայն չի իմացել, որտեղ է նա: Ա. Մարգարյանի խոսքով՝ որդին ծխախոտից, թմրանյութից, ալկոհոլից և մոլախաղերից կախվածություն չի ունեցել, և շփվող չի եղել:

մանրամասն՝ այստեղ: