Ի՞նչ պաշտոն է ակնկալում Գևորգ Դանիելյանը

Shabat.am-ի լրագրողը զրուցեց Սահմանադրական բարեփոխումների մասնագիտական հանձնաժողովի անդամ Գևորգ Դանիելյանի հետ` ԵՏՄ-ի, սպասվող բարեփոխումների և ակնկալվելիք պաշտոնի մասին:

- Ի՞նչ է ձեզ համար ԵՏՄ-ն:

-Արդի գլոբալացման դարաշրջանում ԵՏՄ-ն աներկբա այն տարածաշրջանային միջազգային կառույցներից է, որին անդամակցելը բերում է երկրի տնտեսությունում առավել կայուն, կանխատեսելի միտումներ երաշխավորելու, այն դիվերսիֆիկացնելու և երկրում ձևավորված ստանդարտներն աստիճանաբար բարելավելու անհրաժեշտություն: Բնականաբար, ԵՏՄ-ին անդամակցելն այս փուլում համընկել է դրանում ներգրավված որոշ պետությունների համար աննախադեպ դժվարին ժամանակների հետ, ինչը կարող է հոռետեսական տրամադրություններ սերմանել, սակայն, համոզված եմ, որ այդ դժվարությունները ժամանակավոր են. մենք չենք կարող մեր հարևանությամբ գտնվող երկրների հետ ընդմիշտ գտնվել կամ թշնամական կամ չեզոք հարաբերությունների մեջ: Պատմաքաղաքական զարգացումները մեզ հնարավորություն են ընձեռել ունենալու առավել ակտիվ դերակատարում:
Ինձ համար անհասկանալի են նաև այն պնդումները, թե իբր ԵՏՄ-ի պարագայում բացառվում են ԵՄ-ի հետ համագործակցության խորացման իրական հնարավորությունները: Որոշ զգուշավորություն դեռևս կա, սակայն աստիճանաբար կհաղթահարվի նաև դա և իրողություն կդառնա նաև ԵՏՄ և ԵՄ փոխհարաբերությունը, ինչի մասին արդեն բացահայտ ակնարկում են նաև ԵՄ անդամ-պետությունների ղեկավարները:
Վերջին հաշվով, Հայաստանը չի պարտավորվել ամեն գնով ու պայմանով մնալ ԵՏՄ-ի անդամ ու կատարել վերազգային կառույցի որոշումները. ցանկացած որոշում կարող է իրավական ուժ ձեռք բերել բացառապես կոնսենսուսի ուժով, այսինքն՝ նաև Հայաստանի միանշանակ դրսևորած կամահայտնության հիման վրա, իսկ ԵՏՄ-ից դուրս գալու համար բավարար հիմք է սոսկ դիմում ներկայացնելը, որից հետո առնվազն 12 ամիս անց անդամությունն անվերապահորեն դադարում է: Ընդ որում, հիմնադիր փաստաթղթի՝ ԵՏՄ-ի պայմանագրի 13-րդ հոդվածի համաձայն, կոնսենսուսով ընդունված որոշմամբ այն կարող է դադարել էլ ավելի սեղմ ժամկետում:

- Արդյոք տեղի կունենան սահմանադրական բարեփոխումներ և համոզվա՞ծ եք, որ դա կլինի փետրվարին:
-Սահմանադրական բարեփոխումների համար կան բավարար իրավական և սոցիալ-քաղաքական հիմքեր, ինչին անդրադարձ կա հենց սահմանադրական բարեփոխումների հայեցակարգում, իսկ երբ դրանք տեղի կունենան և ինչ ծավալով, դա պայմանավորված կլինի ներքաղաքական զարգացումներով, որոնք կանխատեսելն իմ խնդիրը չեմ համարում:

մանրամասները՝ սկզբնաղբյուրում