«Ինչի Մկի դեմը խաղ կա՞ր.ջահել վախտվանից էլ ճտպտալեն նենց էր խաղում՝սաղին էլ կրում էր».VIDEO

Հայտնի է, որ Գաբրիել Սունդուկյանի անվան ազգային ակադեմիական թատրոնի մեկնարկը, օրերս տրվեց երգիծաբան Հակոբ Պարոնյանի «Մեծապատիվ մուրացկաններով»:
Հայ դասականի հանճարեղ այդ ստեղծագործությունը ՝ Մայր թատրոնում հանդիսատեսի դատին հանձնվեց նորովի, ինտերակտիվ ու անսպասելի մեկնաբանությամբ:

Հայտնի ու սիրված դերասան Ռուդոլֆ Ղեւոնդյանի հետ, այս անգամ էլ մեր զրույցը ծավալվել է նոր շունչ ու ոգի ստացած բեմադրության, իր մարմնավորած կերպարի, մերօրյա մեծապատիվների, պաշտոն ու դիրք մուրացողների, ինչպես նաեւ ներկայիս Աբիսողոմ էֆենդիների ու Մանուկ աղաների մասին….

Ռուդոլֆ Ղեւոնդյանի խոսքով, շատերը այդ ներկայացման մեջ տեսել են ոչ թե իրենց ականջները, այլ հենց իրենց.ինչպիսին որ իրենք կան իրական կյանքում:

Ու ինչպես դերասանն է նկատում.«Դահիճը՝ պիտի մարդ լինի, բայց հեչ պարտադիր չէ, որ մարդը` դահիճ լինի: Մարդը հասունացման շրջան է ապրում, ի վերջո: Բայց եթե էս բանսարկությունը կա.էս գործ դասավորելը կա, դա մուրացկություն ա:
Եթե դու գործ ես դասավորում՝ չպիտի դասավորես գործդ էնպես, որ պետությանդ վնաս լինի:Քո գործը գնա դասավորի. ումից ես գաջ մուրալու՝ գնա մուրա, էն մյուսին տուր ապակին՝ թող նա էլ քեզնից մուրա, բայց ոչ թե դա արա՝ քո երկրի էն սրտի կաթիլ արյունից ...
Մեկը մյուսին հակառակ ա. սա նրան ավելի շատ ա փող տվել, քան թե սա սրանից ավելի վերցրել ա:
Ընկել են քանի հատ կուսակցություն կա. մեկը մյուսին ընդդիմադիր են: Դոդ գլուխներ, հելե'ք ուս-ուսի տվեք, ընկերություն արեք: Եթե լավ գյուտ ունես՝ ազգին պիտանի, ի՞նչ ես տարել, պահել: Անունն ի՞նչ ես դրել»:

Իսկ թե ովքեր են ըստ դերասանի մերօրյա մեծապատիվները՝ «տուֆտա-տուֆտա խոսացողներն ու դոդ գլուխները», եւ թե ի վերջո, ո՞ւմ ապարանքն է վերածվելու պոլիկնինիկայի (ինչի շուրջ օրերս դերասանը սկանդալային ելույթ էր ունեցել), Fnews.am-ի  Տեսանյութում: