Ինչո՞ւ է աղմկում մինստր Արծվիկ Մինասյանը՝թաքցնելով սեփական անգործությունը

Չմեռանք՝դաշնակցականների մեջ էլ գրող-մրող ունեցանք...  

Խոսրովի անտառում բռնկված հրդեհն իրականում շատ լավ առիթ հանդիսացավ, որպեսզի հանրությունը եւս մեկ անգամ համոզվի, թե ինչ ձրիակերների է հանդուրժում հայրենի կառավարությունը՝ որոշ վայ նախարարություններում:

Իսկ ավելի կոնկրետ. Խոսրովի անտառում բռնկված հրդեհը, պատռեց հատկապես բնապահպանության նախարարության եւ նախարարի աթոռը «լուրջ ընդունած» Արծվիկ Մինասյանի դեմքն ու նրա աշխատելաոճը, ով իր անկարողությունից դրդված՝ սկսեց կախվել մարզային ու տեղական իշխանությունների փեշերից՝ մոգոնելով, որ Խոսրովի անտառում կազմակերպված հրդեհաշիջման աշխատանքների ժամանակ ոչ պատշաճ վերաբերմունքի է հանդիպել Արարատի մարզային ու տեղական ներկայացուցիչների կողմից:
Ավելին, Մինասյանը իր անգործությունը մի կողմ թողած՝ սրտնեղվել, ու ձեռքը մամուլին գցելով այս ու այնտեղ փորձել է տակառ գլորել Արարատի մարզային ու տեղական իշխանությունների ( մասնավորապես Արարատի մարզպետ Արամայիս Գրիգորյանի ուղղությամբ) լացուկոծ դնելով, թե իրեն մարզի ներկայացուցիչները(տվյալ դեպքում ՀՀ քաղաքացիները)չեն լսել եւ չեն կատարել իր հանձնարարականները:

Այ քեզ աճպարարություն, կներե՛ք պարոն մինիստր, Ձեզ մոտ հաստա՞տ, ամեն բան լավ է, թե՞ այնուամենայնիվ նախարարի աթոռի վրա բոլոր դեպքերում չեք կարողանում տեղավորվել: Ի՞նչ է նշանակում. մարզի ներկայացուցիչները, ովքեր որպես ՀՀ քաղաքացիներ մարդասիրական օգնություն են ցուցաբերել, Ձեզ չեն ենթարկվել…Դուք երեւի լավ չեք կարողանում ըմբռնել, թե որն է, բարի կամքի դրսեւորման իմաստը: Հավանաբար նախարարի աթոռը Ձեզ շատ է շփոթեցրել, եւ դուք սկսել եք խառնել դեպքերն ու դեմքերը…

Եւ կամ ի՞նչ է .Ձեր խնդիրը հրդեհաշիջման աշխատանքները հավուր պատշաճի կազմակերպելն էր, թե՞ Արարատի մարզային իշխանությանը թիրախավորելն ու բամբասանքով զբաղվելը: Եթե Խոսրովի անտառի հրդեհը մարելու փոխարեն գնացել էիք հանգցնելու Ձեր ներսի հրդեհը՝ Արարատի մարզպետարանի ու մարզպետի ուղղությամբ, ապա ասենք, որ սցենարն իսկապես շատ անհաջող էր ու չստացված:

Այդ «մասկարադը» պարզապես երեխայություն էր, ոչ ավելին: Իսկ ավելի լուրջ, եթե ՀՅԴ-ի քվոտայով տեղից-տեղ թռչելով հայտնվում եք նախարարի աթոռին, դա դեռ չի նշանակում, որ ՀՀ քաղաքացու հետ պիտի շփվեք Ձեր «կապրիզներով», ու չպատճառաբանված անհեթեթ ամբիցիաներով: Եթե այդքան լավ «ասող» եք, նախ եւ առաջ ասեիք եւ ի վիճակի լինեիք Ձեր աշխատակիցների «ականջներից բռնել» ու իրավիճակը կառավարել: Իսկ Ձեր ղեկավարած նախարարությունում էլ կարգ ու կանոն հաստատել: Որպեսզի նախ եւ առաջ Խոսրովի Արգելոցը չդառնա ոմանց հորական բոստանը, եւ երկրորդ՝ նման արտակարգ իրավիճակներում էլ՝պարզապես կարողանայիք Ձեր գործառույթներն իրականացնել, եւ աշխատել: Այլ ոչ թե ժողովրդի հաշվին հարստանալով՝ մի բան էլ մուննաթ գայիք, թե ինչո՞ւ մարդիկ Ձեր փոխարեն չեն աշխատում, ու Ձեզ չեն լսում…

Ձեր կեցվածքը պարզապես ծիծաղելի է, եւ Ձեր հայտարարություններն էլ մի տեսակ ֆարսի ժանրից են: Եթե Ձեզ ուտում է Ձեր միջի չինովնիկն ու ֆեոդալը ապա ժողովուրդը դրանում ոչ մի մեղք չունի:

Մարզի բնակիչներին մի' խառնեք Ձեր ենթականերi ու աշխատակիցների հետ: Ի վերջո, Արարատի մարզի բնակչությունը մեղք չունի, որ Ձեր աշխատակիցները Ձեզ «պրիզնատ» չեն գալիս:

Փոխանակ պարոն Արծվիկը մտահոգվի, որ իր վատ կառավարման արդյունքում «Խոսրովի արգելոցը» օրեր շարունակ կրակի մեջ էր, էլ չենք խոսում այն հսկայածավալ վնասների մասին, որ տրվել է Հայաստանի բնաշխարհին, խռովել է, որ Արարատի մարզի հրդեհը հանգցնելու նպատակով արգելոց մտած բնակիչները չեն ենթակվել իր հրամաններին:

Եթե Մինասյանը տեսողության հետ խնդիրների չունի, ապա համապատասխան կադրերից ու տեսանյութերից պիտի որ տեսներ, թե Արարատի մարզպետ Արամայիս Գրիգորյանը իր աշխատակիցների և մարզի բնակիչների հետ սեփական գործը թողած` օրերով, որպես մարդ, որպես ՀՀ քաղաքացիներ, ինչ կերպ են օգնություն ցուցաբերել ազգիս բնությունը փայփայողներին:
Ի գիտություն , մամուլ վազող եւ «գողական» գնացող Արծվիկին, որ էս աղետը ամենեւին էլ նեղ անձնական ամբիցիաներին հագուրդ տալու տեղ չէր: Պարոն Արծվիկը, որպես բնապահպանության նախարար, պիտի տեղյակ լիներ, որ հրդեհի մարման աշխատանքների կորդինացումը դրված էր Արտակարգ իրավիճակների նախարարության վրա և տեղում աշխատող բոլոր ուժերը, բնականաբար, կատարում էին ԱԻՆ նախարար Դավիթ Տոնոյանի հարահանգները , այնպես որ Մինասյանը ԱԻՆ նախարարից պիտի «աչոտ» ուզեր՝ եթե կարող էր…Այլ ոչ թե խռովեր Արարատի մարզային իշխանություններից…

Իսկ ինչ վերաբերում է Արարատի մարզպետ Արամայիս Գրիգորյանին, ապա Մինասյանը զուր է դատարկ տեղը ջուրը մտնում՝տակառ գլորելու  Արարատի մարզպետի ուղղությամբ, (նորություն չէ, որ առանց այդ էլ՝Արարատի մարզում կրծող դասի պակաս չկա), քանի որ մարզպետ Գրիգորյանը, ով մշտապես բարձր եւ պատասխանատու պաշտոններ է զբաղեցրել, մշտապես աչքի է ընկել իր պատասխանատու ու հետեւողական գործունեությամբ:
Դե տղայականի մասին էլ չխոսենք պարոն Արծվիկ, որովհետեւ Գրիգորյանը դժվար թե իջնի Ձեր մակարդակին, քանի որ բոլորն են քաջատեղյակ, որ նա իսկապես Ձեր թայը չէ…

Չմեռանք՝ դաշնակցակնների մեջ էլ գրող-մրող ունեցանք:

Հազար են ասել. փողկապը, կոստյումն ու ծառայողական մեքենան՝ շա~տ քիչ ատրիբուտներ են «գողական» գնալու համար:

Իսկ մնացածի մասին՝հաջորդ դասին:

Հ.Գ 

Կարծում ենք հայրենի Կառավարությունը նույնպես, այսուհետ հետուողական կլինի, թե ինչ  կերպ են աշխատում ազգիս նախարարներն ու նրանց ղեկավարած գերատեսչությունները, քանի որ հերիք է մեզ մի  Արծվիկ ունենալ, ու վառվել կրակի մեջ՝ օրեր շարունակ... 

Fnews.am