Ինչո՞ւ են միջազգային կառույցները «էշի ականջում քնած»

Աշխատավորների շահերի պաշտպանություն հասարակական կազմակերպության ղեկավար Կարեն Թումանյանն իր facebook-ի էջում գրել է, որ մեկ օրվա ընթացքում 6000 կրակոցը դա ահավոր մեծ թիվ է:

«Պատերազմը հո պոզով ու պոչով չի լինում. Ի՞նչ անվանում տալ 6000 կրակոցին
Ժողովուրդ ջան մի պահ եկեք մտովի պատկերացնենք, որ մենք ինչ որ իքս պետության քաղաքացի ենք և մի այլ պետության մամուլն ենք կարդում և հետևյալ գրառմանն ենք հասել՝ «ՊԲ օպերատիվ տվյալների համաձայն, հունվարի 6-ին և լույս 7-ի գիշերը հակառակորդի կողմից հրադադարի պահպանման ռեժիմը խախտվել է ավելի քան 400 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 մմ ականանետերից (6արկ) և ՌՊԳ-7 (11 արկ) տիպի նռնականետերից հայ դիրքապահների ուղղությամբ արձակվել է շուրջ 6000 կրակոց»:

Առաջինն ինչ կմտածենք դա այն է, որ տվյալ պետությունն, ում վրա այսքան կրակոց է արձակվել (տարբեր տրամաչափի արկեր և այլն) գտնվում է պատերազմական դրության մեջ: Ոչ մի կերպ չեմ հասկանում թե ինչո՞ւ են «էշի ականջում քնած» միջազգային կառույցները, չէ որ մեկ օրվա ընթացքում 6000 կրակոցը դա ահավոր մեծ թիվ է, չէ որ այդ կրակոցների նպատակը, խաղաղ բնակչության, ինչպես նաև զինվորներ և սպաներ սպանելն է: Հետո ինչ որ բարեբախտաբար այդ օրը ոչ ոք չի զոհվել, բայց կարող էր չէ այնպես լիներ որ զոհեր լինեին, ինչպես դա եղավ միչ քանի օր առաջ…:

Փաստորեն մենք պատերազմի մեջ ենք բայց «վրեքներս» խաբար չկա…

Հ.Գ- Այս ամենը ցույց է տալիս որ միջազգային կառույցները յա կան յա չկան: Այս ամենը ցույց է տալիս, որ մենք պետք է հետևությոուններ անենք:
Այս ամենը ցույց է տալիս որ «հրադադարի պահպանման ռեժիմ» արտահայտությունը իրականությունից հեռու լոկ բառերի շարան է»,- գրել է նա: