Ինչո՞վ է պայմանավորված կրիիմինալիի ակտիվացումը. Հայտնի փաստաբանի մեկնաբանությունը

Այսօր շատերի համար է ակնհայտ, որ 1998թ.-ից ի վեր Հայաստանում հատկապես «աղմկահարույց» որակված հանցագործությունները հաճախակի բնույթ են ստացել: Դրանց հիմնական բնորոշիչն այն է, որ կատարված հանցագործությունները, որպես կանոն, միայն չնչին բացառություններով են բացահայտվում, իսկ մեղավորները ստանում են կատարած հանցանքին ոչ համարժեք պատիժ: Ինչո՞վ է պայմանավորված  կրիիմինալիի ակտիվացումը «Իրավունքը» փորձեց մեկնանաբանություն ստանալ «Լեւ Գրուպ» փաստաբանական ընկերության հիմնադիր-ղեկավար,  մի շարք աղմկահարույց գործերով հայտնի փաստաբան Լեւոն Բաղդասարյանից, ով փաստեց.

-Հարցը իրավամբ ակտուալ է, իսկ պատճառները բազմաթիվ են: Պատճառներից առաջինը հասարակության սոցիալական վիճակն է, երկրորդը` արցախյան պատերազմից հետո հասարակության նյարդերը սկսել են ավելի շատ տեղի տալ: Հիմնական պատճառը, սակայն, ըստ իս, պետական լիազոր մարմինները` ի դեմս իրավապահ մարմինների, պետք կանխարգելիչ, օպերատիվ-հետախուզական աշխատանքները ավելացնեն: Հատկապես, երբ խոսքը վերաբերում քրեական հեղինակությունների հետ կատարված միջադեպերին, ըստ իս նրանց ցանկացած գործառույթ պետք է լինի պետական լիազոր մարմնի ուշադրության կենտրոնում:

Առհասրակ, երբ ուսումնասիրում ենք միաջգային վիճակագրությունը, տեսնում ենք, որ բոլոր երկրներում է կրիմինալը ակտիվացել, եւ Հայաստանն էլ անմասն չի մնացել, բայց սա, իհարկե, ոչ մի կերպ չի արդարացնում ՀՀ-ում կրիմինալի աճը: Որովհետեւ ՀՀ-ն այդ առումով եղել է մշտապես ամենաանվտանգ երկիրը, ինչը ցավոք, չենք կարող ասել ասօրվա  մասին: Ամփոփելով խոսք կասեմ հետեւյալը.հասարակությունը, քաղաքացին այս հարթության վրա պետք է կանգնի պետական լիազոր մարմնի կողքին: