Ինչով են պայմանավորված ձվի շուկայում առկա թանկացումները

Ձվի  շուկայում  ուսումնասիրությունները ընթացքի մեջ են:  Հանձնաժողովը ձվի արտադրության եւ իրացման շուկայում  գերիշխող դիրք զբաղեցնող ընկերություններից`  «Արաքս թռչնաֆաբրիկա»,  «Աշտարակի ձու»  ֆաբրիկա, «Լուսակերտի տոհմային թռչնաբուծական ֆաբրիկա»,  «Արզնու տոհմային թռչնաբուծական ֆաբրիկա», պահանջել  է  ներկայացնել մանրամասն տեղեկատվություն, թե որոնք են ձվի թանկացման պատճառները», - Forums.am-ի   հետ զրույցում անդրադառանալով ձվի շուկայում  առկա  թանկացումներին,  ասաց ՏՄՊՊ հանձնաժողովի նախագահ Արտակ Շաբոյանը:

-Մենք ուսումնասիրությունները  դեռեւս չենք ավարտել ձվի շուկայում, բայց ամեն դեպքում տնտեսվարողները   մի շարք փաստարկներ են ներկայացրել ձվի թանկացման հետ կապված: Այդ փաստարկները հիմնականում վերաբերում են ծախսային հոդվածներին, այսինքն կան մի քանի ծախսային կոմպոնենտներ, որոնք ազդում են ինքնարժեքի վրա: Հիմնականում կերի հետ կապված ծախսերի  գծով որոշակի թանկացումներ են արձանագրվել, իսկ թե որքանով են այդ  թանկացումները ձվերի  գների թանկացման հետ ադեկվատ, այս պահին դեռեւս ուսումնասիրվում է:  Բայց օբյեկտիվ  գործոններ կան, որոնք ազդում են  գների վրա` կոնկրետ ձվի շուկայում:

Նոնա   ԱԴԱՄՅԱՆ