«Ինչո՞վ եք համոզված, որ կինն է ամուսնուն սպանել»․ կծիկը բացվում է

Մինչ մենք կուրծք ծեծելով խոսում ենք կանանց նկատմամբ բռնությունների մասին, փորձում հասկանալ, թե ինչպես կարող է կինը, ինչ էլ որ եղած լինի, կացնահարել քնած ամուսնուն, ինչպես կարող է ամուսինը խուրձ- խուրձ պոկել կնոջ մազերը, գրառումներ ենք ստանում, հոդվածների տակ, նրանցից դուրս։

Օրինակ, ինձ ուղղված գրառումների մեծ մասն այսպիսին է՝ ինչո՞վ եք համոզված, որ կինն է ամուսնուն սպանել։ Հարց, որին չես կարող պատասխանել, ու անկեղծ ասած, մտածում ես՝ ինչու՞ ենք շատ հաճախ առաջ ընկնում քննությունից։ Միաժամանակ մտածում ես՝ հենց այդ ծավալվող խոսակցություններն են պատճառը, որ կծիկը սկսվում է բացվել։ Օրինակ մեկը գրել էր․

Araqsia Xurshudyan 
Աաաաա էդ սիրուհու շնորհիվա եղել, որ կինը էդ օրինա եղել, որ սիրուհի չունենար, կնոջ հետ նորմալ կլինե՞ր․․․

Հետաքրքիրն այն է, որ գրողը Հայաստանում չի բնակվում ու ազատ արտահայտվում է։

Gayane Gevorgyan 

Տիկին լրագրող, եթե մեղքի մասին գաղափար ունեք, ինչու եք հանում իմ մեկնաբանությունը, ումի՞ց եք վախենում։ Դե բնական է, նրանից, ով վճարում է ձեզ, և վատ չի վճարում։ Մեղավորից կաշառք եք վերցնում, սուտ բարոյախրատական ելույթ եք ունենում, հոգեկան հիվանդ դարձածին դաստիարակ եք ձեզ կարգում, պղտորված ջուրն ավելի եք պղտորում, միայն մի բանի՝ փողի համար։ Ի դեպ, նորից կրկնեմ, ձեզ կաշառողը սպանվածի վերջին սիրուհին է, որը շատ հարուստ է։

Նշեմ, որ այս օգտատերը տարիքով է, էջում ոչ թե իր, այլ թոռան նկարն է և նրա առաջին գրառման մասին, եթե եղել է, ինքս տեղյակ չեմ, որովհետև միշտ ուշադիր հետևում եմ ցանկացած գրառման․ նրանց մեջ շատ բան եմ գտնում։ Ու եթե այս, ինչպես նաև այլ անձինք տեղեկացնում են, որ սիրուհին է եղել պատճառը ու վստահորեն են ասում, անգամ մեղադրում են լրագրողին, ով ի դեպ ոչ թե սիրուհուն չի ճանաչում, այլ չգիտի էլ, որ նման բան կա, ուրեմն նրանք պակաս վկայության աղբյուր չեն։ Առավել ևս, երբ հանդես են գալիս իրենց անվամբ, նույնը թե՝ ստորագրությամբ։

Շատ են գրառումները նաև, թե ի՞նչ գիտեք, որ ամուսինն է սպանել կնոջը։

Milen Lyusi
Իսկ դուք համոզվա՞ծ եք, որ կինն է սպանել

Ջեմսիդա Սարգսյան
Իհարկե համոզված չենք, որ կինն է կացնահարել

Hayarpi Falanjyan 

Սա գլուկոտրուկ է ամբողջությամբ, մի՞թե չեք ուզում հասկանալ, որ այս սպանության հետևում էլ մարդիկ են կանգնած, սա կնոջ գործ չէ, այլ տղամարդկանց արարք․․․

Գրառողների մի մասն էլ խորհուրդ է տալիս՝ մի դատի, որ չդատվես։ Աստվածաշունչ կարդացել են, բայց չեն ընկալել այն իմաստով, որ ճշմարտությունը բացահայտելու, արդարությունը գտնելու առումով կատարվող քայլերը դատողություն չեն։ Ու անտարբերությունը, ուրիշի ցավի նկատմամբ անտարբեր լինելն ու չարձագանքելը, ավելի մեծ չարիք է և պետք չէ նման դեպքում թաքնվել՝ «մի դատիր, որ չդատվես» աստվածային արտահայտության մեջ, որի իմաստը շատերի համար հասանելի չէ։

․․․ Ու այսօր կարդում եմ մարզպետի խորհրդականի եղբոր հայտարարությունը, որը ցնցող է՝ եղբայրս նախապես իմացել է, որ իրեն սպանելու են, կինը դրա հետ կապ չունի․․․ Սա հուշում է, որ գրառումներին պետք է ավելի ուշադիր լինել ու եթե անգամ վիրավորում են քեզ, նրա մեջ փնտրես այն ռացիոնալ հատիկը, որ կօգնի գործի բացահայտմանը։ Լսենք եղբոր խոսքից միայն մի հատված․

«Նման հեռախոսի խոսակցություն կա: Ես չեմ ուզում հիմա բացել, բայց եթե կարիք լինի, դա էլ կհրապարակեմ: Իր հեռախոսային խոսակցությունն ինչ-որ մարդու հետ, չգիտեմ ում հետ է խոսում, բայց ձայնը հաստատ իրենն է: Մանուկը այդպես էր անում միշտ, իր կյանքին ինչ-որ վերաբերել է, նա ամեն ինչ ձայնագրել է։ Վերջին անգամ ոչ այնքան շուտ ենք շփվել եղբորս հետ, մոտ երկու ամիս առաջ: Ինքը ինձ միշտ ասում էր՝ չտա աստված, որ ես մեռնեմ, 40 օր հետո կբացվի սենսացիոն ինֆորմացիա: Ես չգիտեմ ինչ ինֆորմացիայի մասին էր ասում նա»։ Tert.am

Հիշեցնենք, որ 017 թվականի հուլիսի 25-ին՝ ժամը 23.30-ի սահմաններում, Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ մոտ 300 մ հեռավորությամբ գտնվող «Դալարիկի ձոր» կոչվող տարածքում, հայտնաբերվել էր 1965 թ. ծնված Մանուկ Սիմոնյանի դիակը՝ փաթաթված և կապկպված: Սպանության գործով ձերբակալված է կինը։

Հասմիկ Բաբաջանյան   Hraparak.am