Ինչպես է ավարտվում <<Հարազատ թշնամի>> հեռուստասերիալը (photo ) BlogNews

Այսօր «Հարազատ թշնամու» հեռուստադիտողները կդիտեն հեռուստասերիալի վերջին սերիան։ Նախագծի ղեկավար, սցենարիստ Դիանա Գրիգորյանը BlogNews.am-ին հայտնեց, որ հեռուստադիտողները կարող են Արմենիային միանալ ժամը 21-ից, քանի որ մինչ վերջին սերիայի ցուցադրությունը, եթերում կլինի բեքսթեյջը։

Դիանայի փոխանցմամբ՝ կցուցադրվեն բացառիկ կադրեր նկարահանման հրապարակից, դերասանները կխոսեն իրենց կերպարների մասին։ Այնուհետև կլինի հեռուստասերիալի վերջին սերիան, որը տևելու է 1.30 ժամ։ «Ավելի կարճ ժամանակում հնարավոր չէր տալ բոլոր հանգուցալուծումները, իսկ ես չեմ  սիրում թողնել բաց դռներ։ Ամեն բան ստացել է իր հանգուցալուծումը և որևէ  բան բաց չի թողնվել։  Լիլի երկրորդկան, թե գլխավոր հերոս, ստացել է իր պատասխանը»,- նշեց սցենարիստը։

Մինչ այդ BlogNews.am-ն առաջարկում է նայել նկարահանման հրապարակում արված բացառիկ կադրերը։

Հեղինակ` BlogNews.am