Ինչպես է բարգավաճում Հովիկ Աբրահամյանը...

Comment 

Հովիկ Աբրահամյանը վարչապետ դառնալով շատ հարցեր լուծեց, իր սիրելի մականունավոր օլիգարխներին ազատեց շքեղության հարկից, իր բարեկամներին պաշտոնների տեղավորեց, կուտակայինի հարցը լուծեց՝ երկու բառի տեղերը փոխելով, կարողացավ այնպես անել, որ որոշ հարթակներում իր գովքով զբաղվեն,   կարողացավ ԱՄՆ դեսպանի հետ պարել, նույնիսկ ԱՄՆ գնաց... Մի խոսքով, ամեն ինչ արեց, բացի մի բանից՝ ժողովրդի սոցիալական վիճակը լավացնելու համար կոնկրետ քայլեր ձեռնարկելուց: Հիմա էլ է ինչ-որ բաներ անում, կառավարության կառուցվածք է փոխում, երկու նախարարություն է միացնում, բայց կրկին ամենակարևոր հարցը չի լուծում: Առաջին հայացքից կթվա, թե երկու  նախարարություն միացնելով բյուջեից փող է տնտեսում, բայց բանն այն է, որ մի կողմից միացնում է, մյուս կողմից էլ նոր նախարարություններ է ստեղծում, այսինքն՝ փողը ոչ թե տնտեսվում է, այլ մի բան էլ նոր ծախսեր են առաջանում:
Միջազգային տնտեսական ինտեգրման և բարեփոխումների նախարարություն բացում են հերիք չէ, հիմա էլ վարչապետը նաև ՆԳ նախարարություն է ուզում ստեղծել: Շատ, շատ մեծ ու բուռն ֆանտազիա ունի  Հովիկ Աբրահամյանը: Տեսնես մինչև ու՞ր կհասնի, էլ ի՞նչ նորարարություններով կզարմացնի մեզ: Չնայած ի՞նչ կա զարմանալու, եթե մարդը լոլիկագործից կարողացավ խնամի-վարչապետ դառնալ, ապա ի՞նչ խնդիր է նման մարդու համար էլ ավելի մեծ «բարձունքներ նվաճել» և էլ ավելի «հանճարեղ» ծրագրեր իրականացնել: Թողնենք թող աշխատի, միգուցե մարդը ուզում է, որ Հայաստանում նախարարությունների քանակը չզիջի՞ ԱԺ-ում պատգամավորների քանակին:

Արտյոմ  Եդիգարյան