Ինչպե՞ս է Կարոն փորձել իր մեքենայի մեջ կրակել, մեքենայի գույնն էլ փոխել...

Lakmoes.am-ը գրում է.Ինչպե՞ս է Կարոն փորձել իր մեքենայի մեջ կրակել, մեքենայի գույնն էլ փոխել. մեջբերումներ՝ ցուցմունքներից

  2009թ. հոկտեմբերի 5-ին Արթուր Զադոյանի և Յուվեցի Կարոյի միջև վեճը սկսվել էր վերջինիս  ՛՛Մերսեդես Բենց G 500'' մակնիշի ավտոմեքենայում, որտեղ սակայն, պատգամավորի խոստովանությամբ, ինքը չէր կարողացել կրակել, քանի որ ՛՛մագազինն՛՛ այդ պահին ընկել էր զենքի վրայից, և մեքենայից դուրս գալուց հետո էր կարողացել իր երկրորդ զենքով հրազենային ծանր վնասվածքներ հասցնել Զադոյանին: Հետո Կարոն փորձել էր փոխել Մերսեդեսի գույնը՝ մուգ կապույտը դարձնել սև /քանի որ ըստ Զադոյանի՝ դա գողացված մեքենա է/, սակայն ավտովերանորոգողը չէր համաձայնել, բայց տեղեկանք էր տվել, թե իբր փոխել է:  

Այսպես. 2010թ.-ի փետրվարի 26-ին Կ. Կարապետյանի և Ա. Զադոյանի գործով առերեսվել են Ծիծակ մականունով Արման Գևորգյանը /Կարոյին ԱՄՆ-ից մեքենաներ մատակարարած և  ՛՛վառված՛՛ անձը/ և ավտոմեքենա նորոգող Հայկ Պետրոսյանը: Նա պնդել էր հետևյալը. ՛՛…ձեզ՝ Արման Գևորգյան, որ երբեք ձեր ՛՛մերսեդես բենց Ժ 500՛՛ մակնիշի ավտոմեքենան կապույտ գույնից սև չեմ ներկել, պարզապես նշված կեղծ տեղեկանքը տրամադրելու խնդրանքով հեռախոսով ինձ դիմեց Կարո Կարապետյանը և հաջորդ օրը իմ մոտ եկաք դուք Արման Գևորգյան, ասացիք, որ Կարոն զանգել է տեղեկանքի համար, որն էլ եկել էիք տանելու: ձեր ներկայությամբ կազմեցի տեղեկանքը, ձեր ձևակերպումներով, այն գրեցի իմ ձեռքով, ստորագրեցի և կնիքեցի ու դուք տարաք: Դա այն նույն տեղեկանքն է, որ գտնվում է քրեական գործում, որը և նախկին ցուցմունքը գրելուց ներկայացվել էր ինձ՛՛: 

Որպես վկա Կարո Կարապետյանի լրացուցիչ հարցաքննությունը՝ 2010թ. մարտի 2-ին: 

ՀՔԾ քննիչը հարցրել է. ՛՛Փորձագիտական եզրակացությամբ պարզվել է, որ ձեր օբյեկտին պատկանող ՛՛Ռենջ Ռովեռ՛՛ և ՛՛ԲՄՎ X 6՛՛ մակնիշի ավտոմեքենաների թողարկման տարեթվերը չեն համապատասխանում ՀՀ ՀՔԲ-ում կատարված ձևակերպումներին: Ի՞նչ կասեք այդ մասին՛՛:

Պատասխան-Կ. Կ.. ՛՛Ընդհանրապես ես կուրսի չեմ նրանց մասին ու ոչինչ չեմ կարող ասել հարցի շուրջ՛՛:

Հարց-.՛՛Առաջարկվում է հայտնել, թե ի՞նչ առնչություն ունեք ՛՛Ռենջ Ռովեռ՛՛ մակնիշի 2007թ. արտադրության ավտոմեքենայի ՀՔԲ ներկայացվող պ...գրի օրինակի կեղծմանը, որի հիման վրա նշված մեքենան հաշվառվել է իբրև 2009թ. արտադրության՛՛:

Պատասխան-Կ.Կ. ՛՛Տամոժնից ինչ փաստաթղթեր տվել են, ոնիել ներկայացվել է ոստիկանություն, կեղծիքներից տեղյակ չեմ՛՛:

Հարց-.՛՛Դուք և Օնիկ Հովհաննիսյանը ցուցմունքներում նշել եք, որ Օնիկ Հովհաննիսյանը մեկ անգամ կրակել է օդ, մինչդեռ փորձաքննության եզրակացությամբ նրա մարմնի վրայից վերցված նմուշների վրա կրակոցի արգասիքներ չեն հայտնաբերվել: Ի՞նչ կասեք նշված հակասության շուրջ՛՛:

Պատասխան.Կ.Կ- ՛՛Օնիկը կրակել երկու անգամ, փորցագետը ինչ է տվել, չեմ կարող ասել՛՛:

Հարց. ՛՛Ձեր եղբոր՝ Սիմոն Կարապետյանի անձնական օգտագործման ավտոմեքենան հաշվառված է Ձեր ՛՛Շահումյան-Վին՛՛ ՍՊ ընկերության հաշվեկշռում: Ի՞նչու՛՛:

Պատասխան. ՛՛Համարները չկորցնելու համար այն գրանցել եմ Շահումյան վինի վրա...՛՛:

Հարց. ՛՛08.10.2009թ. ցուցմունքով նշել եք, որ հաստատ հիշում եմ, որ մեկ հատ կրակել եմ օդ, իսկ երկու հատ նրա ուղղությամբ: Դեպքի վայրից հայտնաբերվել է հինգ պարկուճ: Ի՞նչպես կբացատրեք նշված հանգամանքը՛՛:  

Պատասխան-Կ. Կ. ՛՛Երկու հատ Օնիկն է կրակել օդ, իսկ երեք հատ ես մեկը օդ, երկուսը Զադոյանի ուղղությամբ՛՛:

Հարց. ՛՛Ավտոմեքենայի մեջ, դեպքի պահին որտե՞ղ են գտնվել Ձեզ պատկանող ՛՛Բերետտա՛՛ և ՛՛Բրաունինգ՛՛ տեսակի ատրճանակները՛՛:

Պատասխան. ՛՛՛՛Բերետտան՛՛ գտնվել է ավտոմեքենայի փոխանցման տուփի մոտ, իսկ ՛՛Բրաունինգը՛՛ կարմանում: Ավելացնում  եմ նաև որ խառնված լինելո ձեռքս եմ վերցրել ՛՛Բերետտան՛՛, որի մագազինը սակայն ընկավ վրայից: Դա է պատճառը եղել, որ այդ զենքը դեպքի վայրում չի կրակվել՛՛:  

Հարցաքննությունն ընդմիջվել է:

2010թ. մարտի 2-ին ՀՔԾ-ի ՀԿԳ քննիչ Ա. Երեմյանը Կարո Կարապետյանին որպես վկա հրավիրել է Հայկ Պետրոսյանի հետ առերեսման, ու թեև վերջինը ներկայացել է նախաքննական մարմին, սակայն հրաժարվել է առերեսվել և, դուրս գալով աշխատասենյակից, խոչընդոտել է քննությանը:

Այս միջադեպին սակայն որևէ իրավական գնահատական չի տրվել և պատասխանատվության չի ենթարկվել:

մանրամասները՝ սկզբնաղբյուրում