Ինչպես են ադրբեջանցիները պարբերաբար ահաբեկում Աղավնոյի խաղաղ բնակիչներին

Լաչինի 5 կմ-անոց միջանցքում տեղավորվող Աղավնո համայնքների բնակիչները, ովքեր նոյեմբերի 9-ի համաձայնագրից հետո, ի տարբերություն Բերձորի բնակիչների ոչ մի մետր չհեռացան իրենց բնակավայրից, շարունակում են ռուս խաղաղապահների եւ ադրբեջանցի դիրքապահների անմիջական հսկողության տակ ապրել ու արարել:

Իսկ, թե ի՞նչ դժվարությունների հետ են բախվում, ի՞նչպես կարողանում, մեղմ ասած, մարսել, թշնամու հնչեցրած ռեպլիկները «Իրավունքը» զրուցել է  պատերազմի բովով անցած Քաշաթաղի շրջանի Աղավնո համայնքի համայնքապետ ԱՆԴՐԱՆԻԿ  ՉԱՎՈՒՇՅԱՆԻ հետ, ով նախ նկատեց.

-Կսխալվեմ, որ ասեմ պատերազմից առաջ ու պատերազմից հետո մեր կյանքը նույնն է: Դեռ չեն սովորել նրան, որ ամեն քայլափոխի ռուսական զորքի հարցերին պետք է պատասխանենք` ուր եք, գնում ինչի համար: Որպեսզի ավելի պատկերավոր պատկերացնեք այնպիսի իրավիճակ է, որ կարծես քո սեփական տան մեջ ինչ-որ մեկը քեզ ասի հանկարծ բաղնիք, խոհանոց չմտնես: Մի տեսակ առանձնացել ենք աշխարհից, միայն մեր ոգու տոկոնությունն է մեզ պահում:  Ստեփանակերտ հասնելու համար հազար ու պոստ պիտի անցնենք, դրա համար հիմա մենք փորձում ենք մեր իսկ գյուղում մեզ համար հարմարություններ ստեղծել: Բուժկետ ենք կառուցել, հիմա բժիշկներ ենք ուզում բերել, հացի գործարան ենք ուզում հիմնել, որպեսզի հա՛մ հացի խնդիրը լուծվի, հա՛մ աշխատատեղի խնդիր լուծենք: Առաջ Բերձորում էին աշխատում մեր գյուղացիները, բայց հիմա Բերձորում մարդ է մնացել, մի հիսուն ընտանիք կամ կլինի, կամ չէ:

Հազար ու մի հարց կա, պարզապես անվտանգությունից ելնելով չենք կարող բարձրաձայնել: Նոր-նոր ենք սկսել ռուսական զորքի հետ համագործակցել նորմալ: Մուրադովին փոխարինող կամանդիրը ավելի լավ է տրամադրված, փորձում է համագործակցել մեզ հետ, կնճռոտ հարցերի շուրջ եզրեր գտնել: Փորձում ենք բնականոն կյանքով ապրել, ինչքան որ հնարավոր է:

-Ադրբեջանցի դիրքապահները որքա՞ն հեռավորության վրա են գյուղից:

-Մոտ են շատ, բայց դեռ այնպիսի դեպք չի եղել, որ մտնեն գյուղ: Ամենասկզբում երկու դեպք եղել, երբ ռուսներին չէին ենթարկվում: Հետո ռուսները սկսեցին խիստ լինել, դա էլ մեր ճնշումների ներքո: Որովհետեւ ինքս անձամբ ասել եմ, չփորձեք իջնել գյուղ, մենք մարդասպան չենք, բայց կդառնանք, եթե ազերին փորձի գյուղ մտնել ու ահաբեկել խաղաղ բնակչիս:

մանրամասները՝Iravunk.com-ում:

Զրույցը՝ԻԼՈՆԱ ԱԶԱՐՅԱՆԻ