ԻՆՉՊԵՍ ԵՂԵԼ Է. 20-ամյա երիտասարդը բռնաբարել է համագյուղացի տարեց կանանց

1-in.am-ը գրում է.1980 թվականի սեպտեմբերի 5-ին ձեռքի կոտրվածքով Գորիսի հիվանդանոց դիմեց շրջանի գյուղերից մեկի բնակչուհի՝ 1909 թվականին ծնված 71-ամյա Վարդանուշը:

Վնասվածք ստացած քաղաքացուհուն հիվանդանոցում այցելեց շրջանի ՆԳ բաժնի աշխատակիցը: Պարզվեց, որ ձեռքի կոտրվածքը դեռ ամենավատ բանը չէր, որ կատարվել էր Վարդանուշի հետ…

Կինը հայտնեց, որ ապրում է մենակ: Սեպտեմբերի 4-ի երեկոյան տան դուռը փակել և պառկել է քնելու: Գիշերվա մի պահի արթնացել է ապակու ջարդվելու ձայնից: Հետո քայլեր է լսել:

Վեր է կացել անկողնուց, վառել է լույսը: Սենյակի մեջտեղում տեսել է դեմքը քողարկած մի երիտասարդի: Նա տուն էր թափանցել մուտքի դռան վերևի պատուհանիկի ապակին ջարդելով:

Վախեցած Վարդանուշը հարցրել է՝ ի՞նչ է դիմակավորի ուզածը: Երիտասարդը ոչինչ չի խոսել: Նա կնոջը քարշ է տվել խորդանոց, գցել է հատակին ու բռնաբարել է:

Կինը հագուստի վրայից կծել է բռնաբարողի ուսը, փորձել է փախչել: Երիտասարդը նրան հրել-գցել է հատակին և հեռացել է: Ընկնելու հետևանքով կնոջ ձեռքը կոտրվել է:

Տուժող կինը լավ չհիշեց՝ ինչ հագուստով էր բռնաբարողը:

Ըստ արտաքինի նկարագրության՝ երիտասարդը միջահասակից բարձր էր, հագին դեղնավուն կամ կարմրավուն վերաշապիկ էր, մուգ շալվար, ոտքերին՝ թեթև, հնարավոր է՝ մարզական կոշիկներ: Որպես դիմակ՝ երիտասարդը, ըստ տուժողի, օգտագործել էր սրբիչ կամ թաշկինակ:

Վարդանուշի տանը և տնամերձ հողմասում տեղազննություն կատարվեց:  Տանից մի քանի մետր հեռավորության վրա կապույտ մի սանր հայտնաբերվեց: Վարդանուշն ասաց, թե սանրն իրենը չէ:

Գյուղացիների հետ զրույցների ժամանակ ի հայտ բերվեց, որ դեպքի գիշերը ինչ-որ մեկը փորձել էր ներխուժել համագյուղացի միայնակ ապրող ևս մի տարեց կնոջ՝ Բավականի տուն: Անհայտ անձը պոկել էր այդ կնոջ տան մուտքի դռան բռնակը, ինչպես նաև հանել էր տան շեմը լուսավորող էլեկտրական լամպը:

Անմիջապես հարցաքննվեց 71-ամյա Բավականը: Սկզբում նա շատ կցկտուր տեղեկությունն էր հայտնում՝ դա բացատրելով նրանով, որ ամաչում է, բացի այդ՝ վախենում է նոր հարձակումից, քանի որ տունը գտնվում է գյուղի եզրին:
Բավականի որդին իրավապահներին հայտնեց, որ օրեր առաջ՝ օգոստոսի 20-ին, մոր տուն է ներխուժել մի երիտասարդ, ծեծել է մորը, գումար է պահանջել: Իրենք դեպքի վերաբերյալ իրավապահներին չեն դիմել, մայրը չի ցանկացել:

Բավականի տունն  ու շրջակայքը զննության ենթարկվեցին: Մատնահետքեր չհայտնաբերվեցին: Ելնելով մուտքի դռան վերևում  բավական բարձր տեղադրված էլեկտրական լամպը անծանոթի կողմից հանելու հանգամանքից՝ ենթադրություն արվեց, որ ինչքան էլ նա բարձրահասակ լիներ, ձեռքը չէր հասնի լամպին, հաստատ՝ ոտքի տակ մի բան է դրել՝ լամպը հանելու համար:

մանրամասն՝այստեղ: