Ինչպես զոհված Ավետիսյաններին ներքաշեցին կեղտոտ քարոզչության մեջ

Վազգեն Ղազարյանն իր ֆեյսբուքյան էջում գրել է.

Երբ լրագրությունը վեր է ածվում պոռնկության․ ինչպես զոհված Ավետիսյաններին ներքաշեցին կեղտոտ քարոզչության մեջ

Այսօր առավոտվանից ֆեյսբուքն ալեկոծվեց մի շարք լրատվամիջոնցների կողմից տարածված այն տեղեկությունից, որ Պերմյակովի կողմից սպանված Ավետիսյանների ընտանիքը ներառվել է ընտրացուցակների մեջ ու ավելին՝ ըստ անանուն աղբյուրների պնդման, Ավետիսյանների անունից քվեարկություն է արվել։ Դրան անմիջապես արձագանքեց ոստիկանությունը, որը բերեց փաստեր, որ Ավետիսյանները գրանցումից հարնցցվել են դեռ տարեսկզբին՝ մահվան պատճառով ու այս պատմության մեջ, միակ փաստը, որը հիմնավորված է առարակայական ապացույցներով (elections.am-ի ցուցակներով), դա Ոստիկանության բերած փաստերն են։ Համենայն դեպս՝ այս պահին։ Ամեն դեպքում, կարծոում եմ, որ այլ փաստեր չեն էլ ներկայացվիի, որովհետև տեղ է գտել հերթական տեղեկատվական պոռնկության դեպքը, երբ որոշ լրատվամիջոցներ որոշել են նման ստորությամբ այցելություններ գրավել, իսկ այլ լրատվամիջոցներ էլ՝ քաջ գիտակցելով, որ սա ապատեղեկատվություն է, այնուամենայնիվ որոշել են շահարկումներ անել սրա շուրջ՝ հանրային առանց այն էլ բարձր դժգոհությունն ավելի թեժացնելու համար։ Այ հենց այսպիսի անբարոյականությունների տևական պատմության պատճառով էլ հայտնվել ենք մի իրավիճակում, երբ դժգոհ է ամբողջ ազգը, բայց այդ դժգոհ ազգը խորշում է այն դրաշակակիրներից, ովքեր այսօր ներկայացնում են ընդդիմադիր դաշտը։ Չի կարելի ստորություններով հասնել լավի, չի կարելի ապօրինությամբ պայքարել հանուն օրինականության, չի կարելի հանուն քաղաքական նպատակների ու պատվերներ այսքան իջեցնել լրագրողի կարևորագույն աշխատանքի գործառույթը։