Ինչու հետաձգվեց Իրինա Ալեգրովայի երևանյան համերգը. պարզաբանում է երգչուհին

Կ. Դեմիրճյանի անվան մարզահամերգային համալիրում երեկ կայացավ ռուսական էստրադայի երգչուհի Իրինա Ալեգրովայի համերգը։ ՀՀ մշակույթի նախարարության անունից փոխնախարար Արև Սամուելյանը Իրինա Ալեգրովային շնորհեց ՀՀ մշակույթի նախարարության բարձագույն պարգև՝ ոսկե մեդալ՝ էստրադային երաժշտական արվեստում ունեցած ներդրումի, ինչպես նաև՝ հայ-ռուսական մշակութային կապերի ամրապնդման համար։

Համերգի ընթացքում երգչուհին անդրադարձավ երևանյան համերգի հետաձգմանը և ասաց.

«Ես շնորհակալ եմ բոլոր նրանց, ովքեր վստահեցին ինձ ու հավատացին։ Ցավոք՝ մարտին մենք ստիպված էին համերգը տեղափոխել։ Ես էլ եմ մարդ, հիվանդացել էի։ Աստված առողջություն տա ձեր բժիշկներին, առողջություն Ռիտա Ալեքսանդրովնային, որոնք ինձ բուժեցին երկու օրում։ Ամենակարևորը՝ շնորհակալության վստահության համար, որ չնայած համերգի տեղափոխմանը՝ եկել եք այսօր, այն էլ՝ այս քանակով»,-ասաց նա։

Իրինա Ալեգրովան նաև անկեղծացավ. պատմեց, որ 2012թ-ի մարտին ինքն անկեղծորեն հայտարարել է հրաժեշտի համերգների սկիզբ, նախ՝ այն պատճառով որ կարծում է՝ ամեն ինչ այս կյանքում իր ավարտն ունի։

Դահլիճում էր նաև ՀՀ առաջին տիկին Ռիտա Սարգսյանը։    

Աղբյուր`  http://www.slaq.am/arm/news/1024378/