Ինձ առաջարկել են էրոտիկ սերիալում նկարահանվել, որտեղ պետք է երևար բաց կուրծք, բայց ես մերժել եմ

Նախկինում դերասանուհի Կայա Խուրշուդյանն, ով այսօր որպես արևելյան պարուհի է ներկայանում ակումբներում ու ռեստորաններում, Asekose.am-ի հետ զրույցում պատմեց իր անձնական կյանքի, ստեղծագործական առաջարկների մասին:

«Ես շարունակում եմ զբաղվել այն արվեստով, որն ինձ հոգեհարազատ է: Պարում եմ արաբական ակումբներից մեկում և ռեստորանում, որպես  արևելյան պարուհի: Սա նշում եմ բոլոր այն մարդկանց, ովքեր իմ արվեստին ծանոթ չեն, նույնիսկ չեն էլ տեսել, բայց ինձ ներկայացնում են որպես սթիփ պարուհի, պետք է նշեմ, որ  ամենևին այդպես չէ, և դրանք միմյանից շատ տարբեր բաներ են: Շատ ժամանակ այն մարդիկ, ովքեր երկրպագել են ինձ որպես դերասանուհի, գալիս են տվյալ ակումբ, որպեսզի տեսնեն ինձ և վայելեն իմ պարը: Տղամարդկանց կողմից միշտ գոհունակության եմ արժանանում, միշտ ժպիտով են ինձ դիմավորում ու ճանապարհում, ինչը չեմ կարող ասել կանանց մասին: Կանայք հիմնականում  խանդի տեսարաններ են ստեղծում, ինչը կարծում եմ, որ նորմալ չէ»:

Այն հարցին` արդյո՞ք որպես դերասանուհի առաջարկներ կան, Կայան վրդովված պատասխանեց, որ կան առաջարկներ, բայց էրոտիկ սերիալում.

«Որոշ ժամանակ առաջ ինձ զանգահարեցին` էրոտիկ սերիալում նկարահանվելու առաջարկով:  Ասացին, որ դա եթեր է հեռարձակվելու կեսգիշերն անց,  ու որտեղ պետք է երևա բաց կուրծք ու բաց «ամեն ինչ»:  Դա ինձ շատ նեղացրեց, քանի որ նման բան չէի սպասում, ու չհասկացա, թե ինչու լավ և հետաքրքիր դերերը մի կողմ թողած նմանատիպ առաջարկով հանդես եկան:  Ես մերժեցի նրանց առաջարկն ու ասացի, որ եթե որպես արևելյան պարուհի եմ հանդես գալիս, դա դեռ չի նշանակում, որ ես կարող եմ և ինձ թույլ տալ նման կերպարներում հանդես գալ»:

մանրամասները՝ սկզբնաղբյուրում: