Ինձ ո՞նց կարան քցեն, հանքը ստեղ ա, ես ստեղ եմ.Վարդան Այվազյան

ՀՀ վարչապետ Հովիկ Աբրահամյանի վերջերս արած հայտարարությունը, թե բոլոր գործարարները պետք է աշխատեն մաքուր եւ արդար, ցայտնոտի մեջ է գցել պատգամավորներից մի զգալի մասին:Հասկանալի պատճառներով: Վերջիններս ոչ միայն անտրամադիր են, այլ նաեւ մտազբաղ, որոշներն էլ դարդից իրենց խմելու, եւ ուրախանալու են տվել… Նրանք հավանաբար փորձում են ելքեր գտնել`այդ անելանելի իրավիճակից դուրս գալու համար: ԱԺ ՀՀԿ խմբակցության պատգամավոր Վարդան Այվազյանից եւս, փորձել էինք ճշտել, թե նա ինչպես է վերաբերում ՀՀ վարչապետի հայտնի հայտարարությանը.
-Ես ոչ թե համամիտ եմ այդ հայտարարության հետ, այլ ես դա ընդունում եմ որպես պահանջ: Դա օրենք է:
-Իսկ դուք պատրաստվո՞ւմ եք այդ օրենքով շարժվել:
-Իմ հարկային ո՞ր մի եկամտի մասին գիտեք, որ ասեմ պատրաստվում եմ, կամ ոչ:
-Ձեր անունը հիմնականում կապում են հանքարդյունաբերության ոլորտի հետ: Դե այդ ոլորտի շահույթների մասին էլ, կարծում եմ դուք բոլորից լավ կիմանաք:
-Այ քեզի բան, ո՞ր հանքի մասին է խոսքը:
-Օրինակ երկաթի հանքերը, որի ճակատագիրը այդպես էլ անհայտ մնաց շատերի համար: Ժամանակին, բա ասում էիք ներդրումներ են լինելու, աշխատատեղեր են բացվելու, բա ու՞ր կորան այդ խոստումները:
-Չինացիները գնացին, վերջ:
-Քցեցի՞ն ձեզ:
-Ինձ ո՞նց կարան քցեն, հանքը ստեղ ա, ես ստեղ եմ:
-Փաստորեն ասում եք, որ բիզնես ունեք:
-Չէ, ինչ բիզնես, ես կապ չունեմ:
-Իսկ ձեր հարազատներն, ովքեր ունեն բիզնեսներ, պատրաստվո՞ւմ են բաց եւ թափանցիկ աշխատել:
-Հազար տոկոսով: Իմ հարազատները, որոնք մինչ այսօր աշխատում են հարյուր տոկոսով չէ հազար հինգ հարյուր տոկոսով վճարում են իրենց հարկերը, տուրքերը եւ վճարները:

Սոսե Չանդոյան