Իրար երեսով են տալիս...

Comment

Զավեշտալի է, երբ իրար դեմ սկսում են ելույթ ունենալ նախագահի նախկին թեկնածուներ, որոնք կամ ընտրությունների ժամանակ խայտառակ ցածր թվով քվեներ են ստանում կամ էլ խայտառակ փոքրաթին հանրահավաքներ են անցկացնում, որոնց դժվար էլ է հանրահավաք անվանելը: «Ազգային Համաձայնություն» կուսակցության նախագահ Արամ Հարությունյանը, ով 5 տարին մեկ նախագահի թեկնածուի դեր է կատարում և նախկինում էլ պաշտպանում էր իր բախտակից Պարույր Հայրիկյանին՝ ասելով, թե նա արժանի է այդ 20 միլիոն դրամին, հիմա արդեն սկսել է հայրիկյանին դեմ արտահայտվելը: Հետաքրքիր է՝ այդ ինչը չեն կիսել իրար հետ:
Ինչևէ, դեմ արտահայտվելու պատճառն էլ իբրև թե այն է, որ Հայրիկյանը Սերժ Սարգսյանին ուղղած իր նամակում խոսել էր Լևոն Տեր-Պետրոսյանի դեմ: Փաստորեն, մշտապես անհաջողության դատապարտված՝ նախագահի թեկնածուն էլ լրացրեց այն մարդկանց շարքը, ում համար Լևոն տեր-Պետրոսյանի գործերն անքննելի են: Հետաքրքիր է, եթե Արամ Հարությունյանն այդքան համակրում է ԼՏՊ-ին, որ պաշտպան է կանգնում, ինչու նախորդ ընտրությունների ժամանակ նրան կամ ՀԱԿ-ին չէր սատարում, այլ ինքն էր առաջադրվում: Թե՞ նրա առաջադրանքն էր այդպիսին:
Բացի այդ, Հարությունյանը Հայրիկյանին երեսով է տալիս, թե 97-ին նա ուզում էր ԼՏՊ-ի հետ հանդիպել, իսկ հետո էլ Քոչարյանից պաշտոններ ստացավ, հետևաբար ոչ մի բարոյական իրավունք չունի 2 նախկին նախագահների մասին խոսելու: Բայց ինչու՞ չունի, չէ՞ որ Սերժ Սաքրգսյանի օրոք էլ Հայրիկյանը բուժման փող ստացավ, բայց դա չխանգարեց, որպեսզի նրա հրաժարականը պահանջի: Կամ այդ երբվանի՞ց Արամ Հարությունյանը դարձավ մարդկանց բարոյական իրավունքներ սահմանող:

Արտյոմ  Եդիգարյան