«Իրավապահ համակարգում ոչինչ չի փոխվել».Գագիկ Համբարյան

«Իրավապահ համակարգում ոչինչ չի փոխվել»,-NewsMedia.am-ի թղթակցի հետ զրույցում անդրադառնալով ՀՔԾ-ում քննվող մարտի 1-ի աղմկահարույց գործով անցնող մեղադրայալների հնչեցրած կարծիքներին, որ շատ դեպքերում հարուցված քրեական գործերում բացակայում են հիմնավորումները, ասաց հայտնի քաղաքական վերլուծաբան ԳԱԳԻԿ ՀԱՄԲԱՐՅԱՆԸ` հաշվի առնելով իր իսկ սեփական փորձը.
- Ես ինքս շփվելով իրավապահ համակարգի ներկայացուցիչների հետ, կարող եմ հաստատապես ասել, որ ոչ միայն ոչինչ չի փոխվել, այլ իրավապահ համակարգի որոշ ներկայացուցիչներ ավելի լկտի են իրենց պահում այսօր, քանի նախկինում էին:
Ես շփվել եմ իրավապահների հետ Շիրակի պետհամալսարանի շուրջ տեղի ունեցող գործընթացների արդյունում եւ տեսնում եմ, թե ինչ իրավիճակ է առհասարակ Նոր Հայաստանում:
Ինչ վերաբերում մարտի 1-ի գործով որոշ անձանց մեղադրանքներ ներկայացնելուն, ապա պետք է ասեմ, որ այստեղ էլ շատ ոչ պրոֆեսիոնալ են գործում իրավապահները՝ շատ դեպքերում: Եւ բացահատ երեւում է, որ հատուկ պատվեր են կատարում: Եվ դա է պատճառը, որ շատ դեպքերում մարտի 1-ի գործով անցող անձիք` հասկանալով , որ առանձնակի դեպքերում կոնկրետ պատվեր է կատարվում իրավապահների կողմից` հաթաթաներով են խոսում: Մտածելով, եւ շատ դեպքերում համոզված լինելով, որ որեւիցէ արդյունքի նրանք չեն հասնի: Որ սա ընդամենը փիառի կամ հասարակության ուշադրությունը կոնկրետ խնդիրներից շեղելու միջոց է: