Իսկ երբ իրենց ձայնը 5.000 դրամով ծախում էին, ի՞նչ էին մտածում

Fnews.am-ը շարունակում է անդրադառնալ այս օրերին քննարկվող  թերևս ամենակարևորագույն  հարցերից մեկի`Պարտադիր Կուտակային կենսաթոշակի համակարգի հետ կապված քննարկումներին, բողոքներին, ու դրա հետեւանքներին, որոնց ձայնը դեռ հետո է լսվելու: Ընդլայնելով տեսակետների շրջանակը,այս անգամ  խնդրի հետ կապված, որոշեցինք անդրադառնալ արվեստագետների դիրքորոշմանը,  և հենց այդ առթիվ էլ փորձեցինք լսել երաժիշտ,կոմպոզիտոր Վահան Արծրունու  տեսակետը, ով ի սկզբանե նշեց.

-Ես  ուրախ եմ,որ կա նման նախաձեռնություն,սակայն առայժմ որոշել եմ  խոսել միայն արվեստին վերաբերող  թեմաների շուրջ: Գիտեք ինչ, արվեստագետների վրա անդրադառնում է այն,  երբ այդ նույն հանրությունը ընտրակաշառքով ծախում էր իր ձայնը՝ 5000 դրամով: Արդյո՞ք  այդ ժամանակ, նա չէր  գիտակցում,որ շատ ավելի մեծ գումար է վճարելու իր այդ ՀԱՆՐԱՅԻՆ ՄԵՂՔԻ համար:Կարծում եմ,որ այն ինչ տեղի է ունենում,օրինաչափ է մեր «հանրության» պարագայում,և դա դեռ միայն սկիզբն է:

Կարինա  Սահակյան