Ջրգող պատգամավորն ու շառ անող գյուղապետը «իրար միս են ուտում»

Արդեն շուրջ 2 ամիս է` Արարատի մարզի Խաչփառ գյուղի բնակիչները զրկված են խմելու ջրից, պատճառը, ըստ գյուղացիների, տարածքում Ազգային ժողովի պատգամավոր, ԲՀԿ-ական Տիգրան Ստեփանյանի սնկի պես աճող ապօրինի կառուցված ջերմոցներն են, որոնք օգտվում են գյուղը սնող խողովակից:

Գյուղացիները պնդում էին նաև, որ հերիք չէ պատգամավորի ջերմոցները փակել են խմելու ջրի խողովակը, ոռոգման Խաչփառ-Արբատ ջրանցքն էլ նեղացրել է, ինչի հետևանքով ոռոգման ջուրը քիչ է գալիս:

Գյուղապետ Շ. Մարտիրոսյանն էլ օրեր առաջ հայատարարել էր, որ խնդրին ծանոթ են մարզպետարանում և խոստացել են անհրաժեշտ միջոցներ ձեռնարկել: Հակառակ դեպքում` գյուղացիները պատրաստվում են փակել գյուղամիջյան ճանապարհը:

Թե ի՞նչ է կատարվում այս պահին Խաչփար համայնքում, եւ  թե  ո՞վ է այս համայնքի գլխավոր ջրգողը, համար Fnews.am-ի թղթակիցը կապ հաստատեց պատգամավոր Տիգրան Ստեփանյանի հետ.

-Պրն. Ստեփանյան, Խաչփառի բնակիչները  համայքնում ջուր չլինելու պատճառով  տնով-տեղով դուրս են եկել փողոց և Ձեր դեմ են բողոքում: Ինչու՞ եք գյուղացիներին խնդիրների առաջ կանգնացրել: 

-Ո՞վ է նման բան ասել: Ես կապ չունեմ այդ ջրերի հետ: Իմ ջերմոցները ամռանը չեն աշխատում, ես ձմռանն եմ աշխատեցնում դրանք:

- Պարոն Ստեփանյան, բայց չէ՞ որ «Առանց կրակ ծուխ չի լինում»... 

-Ես մի բան կասեմ միայն, որ գյուղապետը ուզում է շառ անել վրես, քանի որ Մասիսի ջուրը լավը չի, ինքն էլ ուզում է Երևանի ջուր ունենալ : Գյուղացիներին էլ հենց գյուղապետն է լարել իմ դեմ:Վաղը կտեսնեք, որ ես մաղավոր չէի:

-Ինչպե՞ս  կտեսնենք:

-Լրատվականներից եկել նկարել են ջերմոցներս, որոնք հիմա դատարկ են: Գյուղապետը շառ է անում, շանտաժ:

 Շանտա՞ժ է անում գյուղապետը, թե՞ ոչ, փորձեցինք պարզել հենց նրանից` Ղազար Մարտիրոսյանից: 

 -Պարոն Մարտիրոսյան, մեզ հետ զրույցում Տիգրան  Ստեփանյանը Խաչփար համայքնում ստեղծված իրավիճակի հետ կապված  ասաց,  որ Դուք այս ամենը կազմակերպել եք իրեն շանտաժ անելու նպատակով և որ իրականում ինքը մեղավոր չէ, դուք պարզապես ուզում եք Երևան ջրից օգտվել: Դա այդպես է՞: 

-Ես կասեմ միայն, որ դա շանտաժ չէ, իր ջերմոցները գտնվում են այնպիսի վայրում, որտեղով անցնում են ջրի խողովակները, սարքավորումները, և նա օգտվում է ջրից ու մեզ ջուրը չի բավականացնում : Իր պատճառով երեք գյուղ առանց ջրի է մնացել :

Հ.Գ

Մեզ հետ զրույցում գյուղապետը նշեց, որ պատրաստ է որոշակի փաստաթղթեր ներկայացնել ՝ ապացուցելու, որ պատգամավորի ջերմոցներն ապօրինի են , իսկ գործունեությունն էլ խանգարում է գյուղի բնակիչներին:

Աննա  Առաքելյան