Ջուս. «Ես կարող եմ փողոցում փռշտալ, և դա դառնա սկանդալ»

Ամեն դեպքում, եթե փողոցում Ջուսին փռշտալիս տեսնեք, ասեք՝ առողջությո՛ւն:

Բ.-Փոփի թագուհի կոչմանն արժանանալու համար պետք է…..

Ջ.- Լինել յուրահատուկ, միշտ ներկայանալ նոր ոճի մեջ, լինել միակը և լինել ուժեղ երգչուհի, դա չի խանգարի:

Բ.- Երբևէ կհրաժարվե՞ք Ձեր բեմական բլբուլ-փետուրներից:

Ջ.- Ես բմբուլ-փետուր չեմ հագել: Սխալ հարց էր: Ինձ հետ միշտ աշխատում են Հայաստանի լավագույն ոճաբանները:

Բ.- Կզոհեի՞ք կարիերան հանուն ընտանիքի:

Ջ.-Երբե՛ք, քանի որ բեմն է իմ կյանքը:

Բ.- Ձեր խոսքն այն մարդկանց, ովքեր Ձեր հասցեին անպարկեշտ արտահայտություններ են անում:

Ջ.- Ամեն մարդ իր արշինով է չափում: Ով ասում է ինձ այս կամ այն բառը, ուրեմն նա էլ հենց այդպիսին է:

Բ.- Ո՞ր մուլտֆիլմի մեջ կցանկանայիք հայտնվել և ինչո՞ւ:

Ջ.- «Շրեկ»-ի մեջ, որովհետև այնտեղ կա կախարդանք, և դա կլիներ խենթություն:

Բ.- Հնարավո՞ր է, որ Ձեզ մի օր տեսնենք ճաղատ։

Ջ.- Միայն այն դեպքում, եթե գրիմով փակեն, իսկ իրականում`ոչ:

Բ.- Ձեր կարծիքով`ի՞նչ դեր ունեք տեղական շոու բիզնեսում:

Ջ.- Վառ և յուրահատուկ երգչուհու, ումից բոլորը սպասում են ոչ ստանդարտ անակնկալներ:

Բ.- Մարդկային ջերմության կարիք զգո՞ւմ եք:

Ջ.- Այո՛, միշտ:

Բ.— Արդյո՞ք պատահական է Ձեր`անընդհատ սկանդալների կենտրոնում հայտնվելը:

Ջ.- Դա ստացվում է ինքն իրեն: Ես կարող եմ փողոցում փռշտալ, և դա դառնա սկանդալ: Դա միայն ու միայն իմ էներգիայից է գալիս: Կարող է ուրիշ մարդ անի նույն բանը, և նրա մոտ դա ընդհանրապես չդիտվի որպես սկանդալ:

Բլից հարցումը՝ Համլետ Սիմոնյանի