«Կամերան անջատի՝ ասեմ, հաբրգում ես, սկսում ես վիրավորել». Վարդան Այվազյանը՝ լրագրողին (Տեսանյութ)

Այսօր լրագրողները ՀՀԿ պատգամավոր, ԱԺ տնտեսական հարցերի հանձնաժողովի նախագահ Վարդան Այվազյանին փոխանցեցին հասարակության պահանջը՝ ուղղված իշխանության ներկայացուցիչներին՝ վաճառեք ձեր ունեցվածքը եւ ուղղեք բանակին՝ արդիական զենք ձեռք բերելուն: Վարդան Այվազյանը հարցից բորբոքվեց ու սկսեց լրագրողներին վիրավորել. «Հլը ձեզ ֆինանսավորողից սկսեք»:

Նա ասաց, որ երկրի պաշտպանությանն աջակցելուն երկու ձեռքով կողմ է, բայց դեմ է այդպես ամպագոռգոռ պատվիրված հարցադրումներին. «Այ, քեզ ով ֆինանսավորում է, քեզանից սկսի: Ցավո՞ւմ ա արդեն»: Նա մեղադրեց պատվեր կատարելու մեջ:

Հետո բացատրեց. «Գիտեք ինչ կա, եթե պետությունով պետք է հավաքվենք, բոլորով ունեցվածքը վաճառենք՝ ես խնդիր չեմ տեսնում: Եթե տունս պահպանելու համար պետք է վաճառեմ՝ վաճառեմ, բայց մի-երկու պրոբլեմ կա, առնողին գիտե՞ս»:

Լրագրողները պատասխանեցին՝ առնող չկա, որովհետեւ ժողովրդի 80 տոկոսը աղքատ է՝ նա նետեց. «Եթե ժողովրդի մի մասնիկը դուք եք, ես չեմ տեսնում, որ դուք էդքան աղքատ եք»:

Հարցին՝ դուք մարդկանց հագուկապո՞վ եք որոշում ով է հարուստ, ով՝ աղքատ, նա պատասխանեց. «Բա ինչո՞վ եմ որոշում»:

մանրամասները՝aravot.am-ում:

Հետո նա լրագրողներից մեկին ասաց. «Կամերան անջատի՝ ասեմ, հաբրգում ես, սկսում ես վիրավորել»: