Կամո Արեյանի հոգում երեկ տոն էր, քանի որ դե ֆակտո քաղաքապետ էր. Հրապարակ

Նախորդ դարավերջից քաղաքապետի տեղակալի պաշտոնն զբաղեցնող Կամո Արեյանի հոգում երեկ տոն էր, քանի որ դե ֆակտո քաղաքապետ էր: Տարոն Մարգարյանը Սերժ Սարգսյանի պատվիրակության կազմում գտնվում էր Հորդանանում, եւ ավագանու նիստն Արեյանն էր վարում: Նա դերի մեջ էր եւ իր այդ փոքրիկ հնարավորությունը հասցրեց լիարժեք օգտագործել՝ ամեն մեկին իր չափով տեղը դնելու համար: Նիստի ընթացքում մի քանի անգամ դիտողություն արեց ռեպլիկներով նիստը խանգարող Լեւոն Իգիթյանին: «Բարեւ, Երեւանի» հարցապնդումներին ու հակափաստարկներին էլ պատասխանում էր տափակ հումորներով: Նրա նյարդերը չէին դիմանում ԲՀԿ ֆրակցիայի ղեկավար Թամարա Պողոսյանի շատախոսությանը, պարբերաբար Արեյանը հունից դուրս էր գալիս ու բղավելով կոչ անում, որ տիկինը կարճ կապի ասելիքը: