Կան ազնվորեն կռվածներ, որոնց քաղաքական հեղինակությունն այսօր հավասար է զրոյի. Առավոտ (խմբագրական)

Մեր պետությունը՝ իշխանությունը, քաղաքական ուժերը, հասարակությունը 20 տարվա ընթացքում չեն կարողացել մշակել պատերազմի վետերանների՝ քաղաքականությանը մասնակցելու համոզիչ բանաձև: Մի կողճից՝ նախկինում պատերազմին մասնակցած մարդը, ինչպես և Հայաստանի ցանկացած այլ քաղաքացի, իրավունք ունի զբաղվելու քաղաքականությամբ, իր տեսակետը հայտնելու այս կամ այն քաղաքական խնդրի շուրջ: Թե որքանով իր կարծիքը կլինի հեղինակավոր, որքանով է դա պայմանավորված իր «կռված» լինելու փաստով՝ դա չափազանց անհատական խնդիր է: Կան ազնվորեն կռվածներ, որոնց քաղաքական հեղինակությունն այսօր հավասար է զրոյի, կան չկռվածներ, որոնք քաղաքացիների այս կամ այն շրջանակներում հարգանք են վայելում:

Երեկ պատգամավոր-գեներալ Մանվել Գրիգորյանը նախ ասաց, որ երկրապահներին քաղաքականության մեջ ներքաշելը վատ է, իսկ հետո՝ արդարացնելով այն փաստը, որ ինքը՝ երկրապահների ղեկավարը լինելով, միաժամանակ ԱԺ պատգամավոր է եւ ՀՀԿ խմբակցության անդամ, նշել է, որ «պատգամավորությունն ու քաղաքականությունը տարբեր բաներ են»: Ինչը, իհարկե, ծիծաղելի է:

Արամ Աբրահամյան

Ամբողջությամբ՝ թերթի այսօրվա համարում։