Կարելի է խուսափել գազի ու հոսանքի թանկացումից, եթե իշխանությունը հավատա ու հենվի ժողովրդի վրա

Ռուսները էլի սկսել են խոսել գազի գինը թանկացնելու մասին ու դատելով մեր կառավարության ավանդական դարձած անթասիբ կեցվածքից՝ գազը (իսկ հետո նաև էլեկտրականության սակագինը) կթանկացնեն այնուամենայնիվ։ Ու կթանկացնեն, եթե իշխանությունները շարունակեն վախենալ որևիցէ կերպ հակազդել ռուսական պետական կորպորացիաների նկրտումներին։

Ես հիմա չեմ ուզում ինչ որ ծավալուն հիմնավորումներ բերեմ, թե ինչու է աբսուրդ գազի ու հոսանքի թանկաացումը՝ զուտ տնտեսական տեսակետից, որովհետև առանց ինչ որ հիմնավորումների էլ պարզ է, որ եթե ալամ աշխարհում էներգակիրները էժանանում են, ապա ալոգիկ է, որ դրանք անսպասելիորեն թանկանան մեզ համար։ Նույնիսկ փոխարժեքի տատանումն արդարացում չէ այս առումով, առավել ևս, որ սա ոչ թե զուտ տնտեսական, այլ աշխարհաքաղաքական հարց է։

Փոխարենը, եկեք հասկանանք, թե ինչ կարող ենք անել մենք ու ինչ կարող է անել իշխանությունը, որ չի անում։ Ըստ իս, խնդիրը նրանում է, որ ստեղծված անջրպետը՝ իշխանությունների ու ժողովրդի մեջ այնքան հին է ու այնքան խորը, որ իշխանությունները վաղուց արդեն մոռացել են ու իրենք էլ չեն հավատում, որ հնարավոր է մի իրավիճակ, երբ իրենք կարող են հենվել ժողովրդական ալիքի վրա, դրա համար էլ տեղները խարխուլ է ցանկացած նմանատիպ բանակցություններում և իրավիճակներում։

Ի՞նչ կանեի ես, եթե որոշողը ես լինեի. ոչ միայն շատ չէի զսպի ժողովրդին, այլ ուղղակի ու անուղղակի լծակներով այնպես կանեի, որ ժողովուրդը դուրս գար բողոքի ցույցերի՝ ՌԴ դեսպանատան, Գազպրոմ Արմենիայի և ՀԷՑ-ի առջև։ Պաշտոնատար անձինք կարող են հրապարակային ելույթներով հնչեցնեն Հայաստանի ու հայ ժողովրդի պրետենզիաները՝ Գազպրոմի ու ՌԱՕ ԵԷՍ-ի բեսպրեդելի, դաշնակցային հարաբերություններին ոչ հարիր կեցվածքի և այլ բաներ ի մասին, իսկ երբ ռուսական ձյաձյաները զարմացած նայեն մերոնց վրա, թե էս ինչ եք անում, այդ պաշտոնատար անձինք կարոող են ուսերով անել ու ցույց տալ արդար բողոքով փողոց դուրս եկած ժողովրդին։ Այ կերպ ասած, իշխանական էլիտան պետք է անի այն, ինչ վաղուց արդեն չի արել՝ փորձի արտացոլել ու ներկայացնել ժողովրդական շահը։

Նման քաղաքականությունն աշխատում է միջինասիական հանրապետություններում, նման քաղաքականությունն աշխատում է Բելառուսի պարագայում, նման քաղաքականությունն աշխատում է ամեն ուր, որտեղ սահմանը չանցնելով՝ այնուամենայնիվ չեն կզում Ռուսաստանի դիմաց ու դա սատնում է ժողովրդական աջակցություն։

Այնպես, որ գուցե մեկումեջ հիշե՞ք, որ ինչքան էլ Ձեզ չսիրի ժողովուրդը, եթե տեսնի, որ դուք արդար նպատակի համար եք ժողովրդի աջակցությունը փնտրում՝ վստահ եղեք, կաջակցի ամեն կերպ։

Կոստանտին Տեր-Նակալյան