ԿԱՌԵՐԵՍՎԻ ՄԱՀԱՑԱԾ ԾՆՆԴԿԱՆԻ ՀԱՐԱԶԱՏՆԵՐԻ ՀԵ՞Տ

 "Շենգավիթ" բժշկական կենտրոնից հուլիսի 27-ին "Էրեբունի" ԲԿ տեղափոխված եւ մի քանի օր անց մահացած 26-ամյա ծննդկան Մերի Մարգարյանի եւ նրա նորածնի մահվան գործով այս պահին ցուցմունքներ են տալիս մահացածի հարազատները: Կախված այն բանից, թե ինչ ցուցմունք կտա բժշկուհին, հնարավոր է նաեւ առերսումներ լինեն մահացած ծննդկանի հարազատների եւ բժշկուհու միջեւ: Այս մասին Fnews.am-ի  հետ զրույցում անդրադառնալով վերոնշյալ գործի նախաքննության ընթացքին ասաց ծննդկանի եւ նորածնի գործով տուժողի իրավահաջորդ ներկայացուցիչ Մարինե Թովմասյանը:
Փաստաբանը նկատեց նաեւ.
-Դեռեւս չեն ստացվել փորձաքննությունների արդյունքները, որոնք որոշիչ դեր ունն այս գործում:

Հիշեցնենք, որ Մերի Մարգարյանի հարազատները կատարվածի մեջ մեղադրում են հենց «Շենգավիթե բժշկական կենտրոնի բժշկուհի Շուշանիկ Բախշյանին, ում մոտ էլ հաշվառված է եղել եւ 35 շաբաթ հետազոտվել է 26-ամյա կինը: Մերի Մարգարյանի եղբոր պատմելով՝ քույրը 4 օր շարունակ բարձր ջերմություն է ունեցել, սակայն բժշկուհին հրաժարվել է հոսպիտալացնել: Միայն հուլիսի 26-ին են նրան հիվանդանոց ընդունել, սակայն հաջորդ օրն արդեն իսկ խորհուրդ են տվել տեղափոխել այլ հիվանդանոց: Հարազատները տեղափոխել են «Էրեբունիե ԲԿ, որտեղ նրան անմիջապես կեսարյան հատում են արել: Մերիի վիճակը ծայրահեղ ծանր է եղել, հուլիսի 29-ին նա մահացել է: Հուլիսի 30-ին կեսօրին մահացել է նաեւ ծննդկանի նորածին դուստրը:
Ըստ Քննչական կոմիտեի տարածած հաղորդագրության՝ "Շենգավիթ" ԲԿ-ի բժշկուհի Շուշանիկ Բախշյանը ցուցաբերել է անբարեխիղճ վերաբերմունք, ինչի հետևանքով հղիության 35-րդ շաբաթում գտնվող Մերի Մարգարյանը մահացել է։

Տաթեւիկ Աբրահամյան