Կարևոր չէ` Պողոսն է , թե Պետրոսը . Տավուշի բնակիչները հին ու նոր մարզպետների մասին

Վերջին շրջանում չեն դադարում  տարատեսակ լուրերը Տավուշի մարզի նոր մարզպետի` Հովիկ Աբովյանի մասին:
Բանն այն է , Հովիկ Աբրահամյանն  ինչ մարզպետ է դարձել սկսել է  <<խաղեր>>  տալ նախկին մարզպետի ` Արմեն Ղուլարյանի դեմ: 

Fnews.am-ը զրուցեց մարզի բնակիչների հետ : Զրույցի ժամանակ Իջևանցի 42-ամյա տիկին Նառան ասաց. << Մենք նախկին մարզպետից դժգոհ չենք: Ճիշտ է քիչ ենք հանդիպել, դա եղել է ասենք դպրոցների միջոցառումների ժամանակ, երբ մարզպետն էլ է եկել, կամ որևէ ժողովի ժամանակ, բայց ինձ վրա թողել է կիրթ մարդու տպավորություն, իսկ այժմյան մարզպետը դեռ նոր է , անգամ անունը չեմ հիշում, բայց հուսով եմ նրա հետ էլ առիթ կլինի հանդիպելու և ծանոթանալու: Ես դպրոցում եմ աշխատում և կապը մարզպետի և քաղաքապետի հետ միշտ լինում է   >> :
Fnews.am-ի հարցին , թե ինչ օգնություն է տվել մարզպետարանը դպրոցին նախկին մարզպետի ժամանակ, բնակչուհին պատասխանեց. << Դե օգնել է դպրոցի վերանորոգման ժամանակ, նստարաններ է տվել, բայց դպրոցը դեռ շատ բանի կարիք ունի, լավ կլիներ այս մարզպետն էլ իր լուման ներդներ >>: 
Իսկ Նոյեմբերյանի բնակիչներից Գագիկն ասաց . << Գիտեք ինձ համար տարբերություն չկա Պողոսն է մարզպետը, թե Պետրոսը, կարևորը բնակիչների կողքին լինի ու օգնի, մենք հասարակ հողագործներ ենք, մեզ ինչ ով է մարզպետ, ով ում տակն է փորում >>:

Եվ ինչպես նշեց Նոյեմբերյանցի Գագիկը ` տարբերություն չկա Պողոսն է , թե Պետրոսը, կարևորն այն է , որ Պողոս-Պետրոսները չթերանան իրենց գործում: Իսկ աթոռակռիվ տալու փոխարեն էլ ` մտածեն մարզի բարեկարգման մասին:

Աննա Առաքելյան