Կարևոր է, որ Իսրայելը պահպանի ամուր և անկեղծ երկխոսություն Սիրիայի հետ․ Թրամփ

ԱՄՆ նախագահ Դոնալդ Թրամփը հայտարարել է, որ Իսրայելի համար չափազանց կարևոր է համարում Սիրիայի նոր իշխանությունների հետ երկխոսության պահպանումը:

«Կարևոր է, որ Իսրայելը պահպանի ամուր և անկեղծ երկխոսություն Սիրիայի հետ, որպեսզի ոչինչ չխանգարի վերջինիս դառնալ բարգավաճ պետություն», - գրել է նա Truth Social-ում։

Ինչպես նշել է ամերիկացի առաջնորդը, Մերձավոր Արևելքում ստեղծված իրավիճակը կարևոր «պատմական հնարավորություն» է։

Իսրայելը իր զորքերը տեղափոխեց բուֆերային գոտի և Հերմոն լեռան սիրիական կողմ 2024 թվականի դեկտեմբերին՝ Դամասկոսում իշխանափոխությունից հետո։ Իսրայելի վարչապետ Բենիամին Նեթանյահուն դա բացատրեց նրանով, որ Սիրիայի հետ 1974 թվականին ստորագրված ուժերի տարանջատման մասին համաձայնագիրը դադարել է ուժի մեջ լինել։