Կենասթոշակային ռեֆորմն աշխարհի ամենաբարդ ռեֆորմն է.կեցցե մեր ՙտորքանգեղ՚ կառավարությունը

ՀՀ Վարչապետ Տիգրան Սարգսյանն այսօր տարեվերջյան ամփոփիչ ասուլիսին անդրադարձավ նաև պարտադիր կուտակային կենսաթոշակային համակարգին: Ըստ Տիգրան Սարգսյանի, կենասթոշակային ռեֆորմն աշխարհի ամենաբարդ ռեֆորմն է համարվում. «Դա ունի պարզ բացատրություն, որովհետև ենթադրում է առնվազն 35 տարվա հաշվարկներ, առնչվում է երկրի կենսագործունեության բոլոր ոլորտների հետ և առնչվում է յուրաքանչյուր քաղաքացու շահերի հետ: Միևնույն ժամանակ, ենթադրում է, որ մեխանիզմներ պետք է ստեղծվեն բոլոր կառավարման օղակներում` հարկայինից սկսած, ոստիկանությունով ավարտած, պետական կառավարման բոլոր ինստիտուտներում պետք է լինեն կենսաթոշակային ռեֆորմի հետ կապված հատուկ համակարգեր: Դրա համար էլ այս ռեֆորմի նախապատրաստման վրա մենք ծախսել ենք 10 տարի, աշխարհի լավագույն մասնագետներին ենք հրավիրել Հայաստան, բոլոր հեղինակավոր կառույցների հետ ենք համագործակցել ` համաշխարհային բանկից սկսած մինչև այն երկրները, որոնք ունեն այս համակարգի փորձ: Սա բացառիկ օրենքներից է, որը քննարկվել է հանրապետության նախագահի գլխավորությամբ և կոալիցիոն կուսակցությունների մասնակցությամբ, մի քանի անգամ, մինչև որ ուղարկվել է ԱԺ հաստատման: Սա բացառիկ օրենքներից մեկն է, որ ընդունվել է 2010-ին, բայց ուժի մեջ է մտնում 2014-ից:  Այսինքն` մենք տվել ենք այդ ժամանակահատվածը, որ տնտեսվարող սուբյեկտները, պետական կատառվարման մարմինները, քաղաքացիները նախապատրաստվեն օրենքի կիրառմանը: Ինչպես վատ ուսանողը քննությունից մի քանի ժամ առաջ է սկսում նախապատրաստվել քննությանը, նույնը տեղի ունեցավ մեզանում. մեկ էլ մարդիկ սկսեցին հաշվել, թե 2014-ի հունվարից հետո ինչ է տեղի ունենալու իրենց եկամուտների հետ: Դա նշանակում է, որ այժմ մենք պետք է քննարկենք ռեֆորմի բովանդակությունը: Բովանադակությունը խարսխված է կարևորագույն քաղաքական սկզբունքի հիման վրա, որն արմատական փոփոխություն է մեր հասարակության համար, այսուհետև ապահով ծերության համար պատասխանատու է լինում ոչ միայն պետությունն, այլև յուրաքանչյուր աշխատող քաղաքացի, եթե դուք ունեք աշխատանք և եկամուտ, դուք պարտավոր եք մտածել ձեր ապահով ծերության մասին, սա է այդ քաղաքական սկզբունքը: Այսօրվա թոշակային համակարգն արդար համակարգ չէ, որովհետև հաշվի չի առնվում, թե մարդն ինչ աշխատանքային կենսագրություն է ունեցել, ինչքան հարկ է վճարել իր աշխատանքի ընթացում, ինչ եկամուտ է ունեցել, որովհետև իր ապահով ծերությունն ապահովված է միայն մի բանով, թե պետությունն այդ պահին ի՞նչ հնարավորություններ ունի նրան թոշակ տրամադրելու, սա արդար համակարգ չէ: Դրա համար մենք ունենք միակ հնարավորություն` անցնել պարտադիր կուտակային համակարգի»: