Կիսատությունը՝ կարող է խնդիրներ ստեղծել իշխանությունների համար

«Պայքարը շատ լավ է, որ ընթանում է: Ես օրինակ շատ ուրախ եմ, որ իշխանություններն իրենց պայքարը սկսեցին մաքսատներում տիրող այդ խայտառակ մոնոպոլիաների դեմ:

Ինչպես նաեւ շատ ուրախ եմ, որ պայքար է գնում կոռուպցիայի եւ հովանավորչության դեմ՝տարբեր ոլորտներում»,-Fnews.am-ի հետ զրույցում անկեղծացավ քաղաքագետ Համբարյանը, բայց միեւնույն ժամանակ բարձրաձայնեց ՀՀ կառավարության որոշ անդամների կիսատ-պռատ գործունեության, ու կիսատ-պռատ հայտարարությունների մասին, նշելով որ այդ կիսատությունը, կարող է խնդիրներ ստեղծել իշխանությունների համար:

Որպես օրինակ, քաղաքագետ Համբարյանը, բերեց ԿԳ նախարար Արայիկ Հարությունյանի վերջին հայտարարություններից մի քանիսը,մատնանշելով նախարարի ձախողումները.

-Նույն «ԱՅԲ»-ի դեպքում տեսանք, թե ինչ անտրամաբանական վեճի վերածվեց նախարարության ու դպրոցի մենամարտը: 

Ու նաեւ տեսանք, թե այդ վեճի ընթացքում, ինչպիսի կոպիտ պատասխաններ տրվեցին դպրոցի կողմից: Նույնը, կարող ենք ասել Երեւանի Պետական Համալսարանի ռեկտորի ֆիասկոյի հետ կապված: Ոչ ոք միամիտ չէ, եւ բոլորն էլ շատ լավ գիտեին, թե այդ նույն «ռեստարտ»-ը ում հրահանգով էր ակտիվացել: Ու էլի ոչինչ ստացվեց:

Նույնը եղավ Շիրակի Պետական Համալսարանի դեպքում.դարձյալ ունեցանք կիսատ-պռատ որոշումներ: Իսկ նախարար Արայիկ Հարությունյանի կարծրացած տեսակետը, թե իբրեւ կոնֆլիկտող երկու թիմեր կան, եւ որոնց միջեւ պետք է բանակցություններ լինեն, պարզապես անտրամաբանական հայտարարությունների շարքից էր: Նմանատիպ առաջարկ նա արեց Երեւանի պետական համլսարանի դեպքում, սակայն արդյունքում համալսարանի իրավաբանության ֆակուլտետի դեկան Ղազինյանը ուղղակիրոեն հեգնեց նախարարին, չընդունելով կոնֆլիկտող կողմերի միջեւ հնարավոր այդ բանակցությունների ձեւաչափը, եւ նախարարության՝ արբիտրի դերի ստանձնումը: Ու նույն պատկերը եղավ մեր՝Շիրակի Պետական Համալսարանի պարագայում, եւ ես ուղղակի զարմացած եմ:

Ասենք, Արայիկ Հարությունը մինչեւ հիմա չի ուզում ընդունել, որ եթե դատախազության կողմից քրեկան գործ կա հարուցված, ապա երկու կողմերի միջեւ, էլ ի՞նչ բանակցությունների մասին կարող է խոսք լինել:

Բայց այդքանից հետո էլ, մենք բարի կամք դրսեւորեցինք, ու նախարարին հարգելով համաձայնեցինք այդ հանդիպմանը հակառակ թիմի հետ, եւ հակառակ թիմը գիտե՞ք ինչ արեց. ուղղակիրոն արհամարեց Արայիկ Հարությանի առաջարկը, դրանով եւս մեկ անգամ ապացուցելով, որ իրենք մեզ հետ որեւիցե կոնֆլիկտ չունեն:
Որովհետւ հիմնական կոնֆլիկտը պայմանավորված էր նախկին ռեկտորի կողմից իրականացրած հանցագործությունների մասին բարձրացված աղմուկով, քանի որ մեխանիկորեն մենք նրանց համար խնդիրներ ենք ստեղծում:

Պարզ պատճառով, որ որոշ անձինք, վաղը- մյուս օրը անցնելու են այդ նույն քրեական գործերով՝որպես ակտիվ մասնակիցներ. նույն գրադարանի ոչնչացման, գումարների փոշիացման, եւ մի շարք այլ հանցագործությունների հետ կապված:Եւ այդ ամենի հանրագումարում, ես
Արայիկ Հարությունյանի արձագանքը, պարզապես անընդունելի եմ համարում:

Եթե նոր իշխանություններին հաջողվում է բանտերից ազատել մարդկանց, ովքեր նախկին իշխանությունների օրոք մեղադրվում էին ասենք մարդասպանությունների, ահաբեկչության եւ տարբեր տիպի հանցագործությունների մեջ, էդ ի՞նչ մի դժվարություն կար, որ մեր իրավունքներն էլ վերականգնվեին բուհում

.
-Իսկ ըստ Ձեզ, ո՞րն է պատճառը, որ կրթության ոլորտում, ինչպես դուք նշեցիք. «կիսատ-պռատ» քայլեր են իրականացվում: Քաղաքական կամքի պակաս կա՞, թե այլ պատճառներ կան այդուհանդերձ:

-Իհարկե՝քաղաքական կամքի պակաս կա. անփորձության պակաս կա, բանսարկություններին հավատալու խնդիր կա, եւ այլն:

Գիտե՞ք, ինչն էր զարմանալի. եթե նոր իշխանություններին հաջողվում է բանտերից ազատել մարդկանց, ովքեր նախկին իշխանությունների օրոք մեղադրվում էին ասենք մարդասպանությունների ,ահաբեկչության եւ տարբեր տիպի հանցագործությունների մեջ, էդ ի՞նչ մի դժվարություն կար, որ մեր իրավունքներն էլ վերականգնվեին բուհում:
Այն դեպքում, երբ բոլորն են շատ լավ գիտեն, որ մեր նկատմամբ ուղղակի հաշվեհարդար է եղել: 

Պարոն Հարությունյանը մեկնաբանում է, որ դա կարող էր մուլտիկլիպատիվ էֆեկտ տալ,բայց ի՞նչ այդօրինակ էֆեկտի մասին կարող է խոսք գնալ: Իսկ ինքը չի՞ մտածում, որ վաղը- մյուս օրը, մարդ կարող է մեկին սպանել, եւ դա կարող է մուլտիկլիպատիվ էֆեկտ ստանալ, քանի որ էդ սպանողները կարող են թաքնվել քաղաքական ենթատեքստի տակ, ու հայտարարել, որ իրենք քաղբանտարկալյաներ են: Օրինակ, ես այս օրերին չեմ կարողանում Գյումրիի փողոցներով հանգիստ անցնել, որովհետւ հարյուրավոր մարդիկ մոտենում, եւ իրենց վրդովմունքն են հայտնում այն բանի համար, որ նույն նախարարի մայիսի 15-ի հրահանգը , (երբ նա դիմել էր ԲՈՒՀ-ի ռեկտորին մեզ վերականգնելու համար) այդպես էլ չեղավ:

-Այսինքն մեր երկրի ողնաշարը ուղղելու համար դեռեւս լուրջ անելիքներ ունենք:

-Գիտեք, գործեր արվում են: ՀՀ-ում խնդիրները պարզապես այնքան շատ են՝ սարսափելի շատ, որ իշխանությունները շատ ավելի արագ պետք է գործեն: Ճիշտ է, ես հասկանում եմ, որ իրենք համապատասխան քանակությամբ պրոֆեսինալներ, կամ թիմակիցներ չունեն, որոնց վարչապետ Փաշինյանը կվստահի, բայց միեւնույն ժամանակ, եթե իշխանությունները այս կամ այն գործը անում են կիսատ-պռատ, ապա հասարակության մոտ ավելի մեծ հիասթափություն կարող է առաջանալ:

Իսկ հասարակությունը սպասում է կոնկրետ արդյունքների, եւ կոնկրետ լուծումների: