Կոչ եմ անում ոստիկանապետին՝ վերանայելու իր կադրերին ու նրանց անցած ճանապարհը

«Սիսիանի ոստիկանության պետի ժպ-ի եւ նրա աշխատակիցների մտերիմները դիմել են պաշտպանական մեթոդի, մի քանի ֆեյքերով սկսել են մեր գրառումների տակ ինչ-որ կարծիքներ հայտնել՝ առանց գիտակցելու, թե իրավական դաշտում դա ոնց կարելի է գնահատել: Եթե տեսանյութ ունեն՝ թե իբր ոնց է Գառնիկ պապիկը ընկել աստիճաններից, ապա հարց է առաջանում. այդ ինչպես է, որ ընկնելու պահին նրանք այնտեղ են եղել եւ տեսաձայնագրել են: Դրա համար մենք պահանջել ենք ներկայացնել այդ նյութերը՝ որպեսզի մենք հետազոտության եւ փորձաքննության ուղարկենք: Եթե ոչ, ապա մեր եւ վարույթն իրականացնող մարմնի նկատմամբ սաբոտաժ է կատարվում,. պրովոկացիաներ են անում, որպեսզի մենք տրվենք այդ պրովոկացիաներին եւ սկսենք չմտածված քայլեր անել: Բայց պետք է հիասթափեցնեմ եւ ասեմ.որ իրենք չարաչար սխալվում են »,-NEWSMEDIA.am-ի հետ զրույցում ասաց Սիսիանի ոստիկանապետի ժպ-ի եւ բաժնի աշխատակիցների կողմից ծեծի, խոշտանգաման ենթարկված Գառնիկ պապիկի, եւ եւս երեք ծեծված սիսիանցիների շահերը ներկայացողհայտնի փաստաբան ԼՈՒՍԻՆԵ ԶԵՅՆԱԼՅԱՆԸ:

-Տիկին Զելյանալյան այսինքն ոստիկանության աշխատակիցների կողմի՞ց է իրականացվում այդ սաբոտաժը:

-Դա մեր կարծիքն է. հստակ ապացույցներ չունենք, բայց ենթադրում ենք: Որովհետեւ ուսումնասիրելով գրողների էջերը՝ տեսնում ենք, որ այդ էջերից գրողները Սիսիանի ոստիկանապետի ժպ-ի մանկության ընկերներն են: Ինչքանով որ հետաքրքրվել եմ սիսիանցիներից՝ նրանք ովքեր մեկնաբանություններ են գրում կամ հարցազրույցներ տալիս, բոլորն էլ ոստիկանության ժպ-ի եւ նրա աշխատակիցների շրջապատի մարդիկ են: Իմ անձի հետ կապված փորձում են այս գործը քաղաքականացնել, թե իբր պատահական չէր, որ այդ գործը ստանձնել եմ ես: Իրավական դաշտում լսվող գործը՝ փորձում են քաղաքականացնել. սա նրանց խնդիրը:
Ինչ վերաբերում է իմ անձը քաղաքականացնելուն, ապա ցանկանում եմ նշել, որ սատարում եմ այսօրվա իշխանությանը: Ավելին այսօրվա իշխանության համակիրներից մեկն եմ, ընդդիմադիր ոչ մի ուժ չեմ ներկայացնում: Պարզապես փոփոխություններին պետք է հետամուտ լինել: Հասկանում ենք, որ կառավարությունը այնտեղ նստած չի կարող ենթադրել, որ Սիսիանի ոստիկանության ժպ-ն ինքնահաստատվում է: Փոխանակ այնպիսի վարքագիծ դրսեւորի, որպեսզի պահի այսօրվա իշխանական գաղափարախոսությունը՝ նա կիրառում է նախկին իշխանությունների, ինչպես նաեւ քոչարյանական իշխանության ձեռագիրը:

Ոչ ոք չի մոռացել, թե խոշտանգումների հետեւանքով ինչեր են կատարվել ոստիկանական բաժանմունքներում: Երբ օրինակ մարդը այնքան խոշտանգված եւ հիասթափված էր, որ Շենգավիթի քրեական բաժնից իրեն ցած էր նետել: Հետո դա ձեւակերպեցին որպես ինքնասպանություն՝ ինչն ուղղակի ծիծաղելի էր: Իսկ նույն բարքերը կրողների մասին, երբ մեր կողմից բարձրաձայնվում է. դա ոչ թե հակաիշխանական կամ հակահեղափոխական միտումներ ունի, այլ մեր նպատակն այն է, որ Նոր Հայաստանում նման վարքագիծ ունեցող պաշտոնյանները, ովքեր իրենց անձը առավել բարձր են գնահատում՝ տեղ չունենան իրավապահ համակարգում:

Վերջում տիկին Զելյանլյանը կոչ արեց ՀՀ ոստիկանապետ Արման Սարգյսյանին, ասելով.

-Ոստիկանապետի թերացումն էլ կա այստեղ. պետք է ինքն էլ իր հերթին իր ենթակաների առաջ հստակ պահանջներ դնի՝ որպեսզի օբյեկտիվ, բազմակողմանի եւ լրիվ քննություն ապահովվեն: Ուստի, որպես փաստաբան ես կոչ եմ անում ոստիկանապետին, որպեսզի վերանայի իր կադրերին, նրանց անցած ճանապարհը: Որովհետեւ ընդամենը երկու-երեք հոգին էլ կարող են ամբողջ ոստիկանության անունը ոտնատակ տալ: Մեր խնդիրն այն է, որպեսզի բացառապես օրենքի գերակայություն լինի:

ՆՈՆԱ ԱԴԱՄՅԱՆ 

NewsMedia.am 

Լուրեր  Հայաստանից եւ աշխարհից