«Կյանքի քո գույնը». յուրօրինակ նախագիծ՝ արվեստի և հոգեբանության կապի մասին

Մարտի 27-ին գեղանկարիչ Արամ Դանիելյանն ու հոգեբան Միհրդատ Մադաթյանը կազմակերպել էին հետաքրքիր և ինքնատիպ միջոցառում, որը միտված էր ներկայացնել արվեստի և հոգեբանության փողկապակցված լինելն ու ներաշխարհի և գույների ներդաշնակման կարևորությունն անհատի կյանքում:

Մասնակիցները միջոցառման ընթացքում նկարել են պատկերներ՝ ներկելով իրենց նախընտրած գույներով, իսկ աշխատանքի ավարտից հետո նրանց ստեղծագործական լուծումները ենթարկվել են հոգեբանական վերլուծության:

Միջոցառման մասնակիցներն էին հումորիստներ Վահագն Գրիգորյանը, Արմեն Թադևոսյանը, հաղորդավարուհի Էռնա Էլիզբարյանը, դիզայներ Արամ Նիկոլյանը, երգիչ Տիգրան Պետորսյանը, երգչուհի Լեյլա Սարիբեկյանը, հաղորդավար Սուրեն Շահվերդյանը, դերասան Սուրեն Առուստամյանը, դերասանուհի Անաիս Սարդարյանը եւ այլք:

Այն հարցին, թե հոգեբանական ինչ ազդեցություն կարող է արվեստը թողնել մարդու ներաշխարհի վրա, և կարո՞ղ է այն «մեծ չափաբաժնի» դեպքում բացասաբար անդրադառնալ անհատի աշխարհընկալման վրա, գեղանկարիչ Արամ Դանիելյանը պատասխանեց. «Իմ կարծիքով՝ արվեստը մարդու վրա միայն դրական հոգեբանական ազդեցություն կարող ե թողնել, որովհետև այն գույներն ու երանգները որոնք ներթափանցում են մարդու հոգեկան ներաշխարհ, դժվար թե բացասկան ազդեցություն ունենան. արվեստը հույզերի և զգացմուքների ինքնարտահայտման միջոց է, որի յուրաքանչյուր ուղղություն ունի ներկայացման իր ձևն ու առանձնահատկությունը»:

Իսկ այն հարցին, թե ինչու է հայ հասարակությունը նման դրական և ջերմ միջոցառումների շատ քիչ հանդիպում, և արդյոք այս նախագիծը, որը համալրեց հայ մշակությային կյանքը, այսպես ասած, անհրաժեշտ և կենսական գույներից մեկով, կարելի է համարել նմանատիպ միջոցառումների սկիզբ, գեղանկարիչը պատասխանեց. « Ես գտնում եմ, որ այսպիսի տարբեր թեմատիկ միջոցառումներում կարելի է ընդգրկել մեր հասարակությանը՝ անկախ մասնագիտությունից, սեռից և տարիքից: Ասեմ՝ միջոցառման մասնակիցների մեծ մասը ցանկություն հայտնեց զբաղվել նկարչությմաբ: Միջոցառումը կկրի շարունակական բնույթ, նշեմ, որ այս նախագիծն իր ձևով և տեսակով միակն է Հայստանում»:

Նշենք, որ Ա. Դանիելյանն արվեստի սիրահարների համար կրկին հաճելի անակնկալ է նախապատրաստում. սպասենք հերթական տաք և ներդաշնակ մշակութային նախագծին: