ԿՅԱՆՔ ՈՒ ԿՌԻՎ. Կապիտան Արսեն Բորիսի Ահանյանը, հոկտեմբերի 13-ին անմահացավ մարտի դաշտում.

ԿՅԱՆՔ  ՈՒ ԿՌԻՎ

ՀՈԿՏԵՄԲԵՐԻ 13-ԻՆ ՀԱՎԵՐԺԻ ՃԱՆԱՊԱՐՀԸ ԲՌՆԵՑ ՆԱԵՒ ԱՐՍԵՆ ԲՈՐԻՍԻ ԱՀԱՆՅԱՆԸ

Արսեն Բորիսի Ահանյանը ծնվել է 1987 թվականի օգոստոսի 7-ին։ Սովորել է Արցախի Մարտունի քաղաքի Մեսրոպ Մաշտոցի անվան թիվ 2 դպրոցում:
Ծառայության անցել է 2005 թվականին՝ տանկային ուսումնական զորամասում: Մեկ տարի սովորել է Չելյաբինսկում՝ Ռազմական քոլեջի տանկային բաժնում, այնուհետև տեղափոխվել է Հայաստան եւ կրթությունը շարունակել Վազգեն Սարգսյանի անվան ռազմական ինստիտուտում:
2010 թվականին ծառայության է անցել Արցախի N զորամասերից մեկում՝ որպես տանկային գումարտակի դասակի, այնուհետեւ վաշտի հրամանատար։
Արսենը 2016֊ի ապրիլյան պատերազմի մասնակից է նաեւ։ 2020֊ի սեպտեմբերի 27֊ից սկսած՝ թեժ մարտերին մասնակցել է Արցախի հարավային թևում։ Նա ոչնչացրել է թշնամու ակտիվ կրակակետեր՝թեժ մարտեր մղելով թշնամու դեմ...
Ավաղ շատերի նման էլ, մեր Հերոս կապիտանը ևս ՝ՀՈԿՏԵՄԲԵՐԻ 13-ին անմահացավ մարտի դաշտում:
Արսեն Ահանյանը ծառայության ընթացքում պարգևատրվել է մեդալներով և պատվոգրերով. պարգեւատրվել է ՀՀ Զինված ուժեր -20 տարի, Հոբելյանական մեդալով ( 2011թ.), ՀՀ Զինված ուժերի վաշտերի և մարտկոցների հրամանատարների կոնֆերանսին մասնակցելու և մասնագիտական պատրաստվածություն դրսեւորելու համար՝ պատվոգրով (2015թ.), Մարշալ Բաղրամյան մեդալով (2019 թ.):
Հայրենիքին մատուցած ծառայությունների համար մեր Հերոսը պարգևատրվել է նաև մի շարք պատվոգրերով։
Հետմահու պարգևատրվել է ԱՀ《Արիության համար》մեդալով։
Արսեն Ահանյանն ամուսնացած էր, ունի երկու որդի՝ 5 տարեկան Արմանը և 2 տարեկան Նարեկը։
Փառք և խոնարհում ՄԵՐ ՀԱՅՈՐԴՈՒՆ
Փառք Հերոսներին...

ՄԵՐ ԽՈՆԱՐՀՈՒՄԸ ՀԵՐՈՍԻ ԾՆՈՂՆԵՐԻՆ,ԸՆՏԱՆԻՔԻՆ...

NewsMedia.am 

Լուրեր Հայաստանից եւ Աշխարհից