Լավ կանեն ապագայի հույս տան, հետո նոր մտահոգվեն մեր ծերության մասին

Հայտնիները շարունակում են արձագանքել, որ իրենք ևս պարտադիր  կուտակային կենսաթոշակային համակարգի դեմ տարվող պայքարի կողմնակից են, եւ որ համակարծիք են հնչած այն տեսակետների հետ  որ  այդ համակարգին անցնելը անտեղին ու անժամանակ իրականացված քայլ էր ու որոշում:

Չնայած համակարգը լավ փորձարկված երևույթ է և ընդունելի է զարգացած ու հաջող տնտեսություն ունեցող երկրներում ամեն դեպքում Հայաստանի համար դա անընդունելի է մի քանի պատճառներով, որոնցից գլխավորը՝ տնտեսական պայմաններն են: forums.am-ը «Դեմ ենք կենսաթոշակային 5% պարտադիր վճարին»քաղաքացիական շարժման վերաբերյալ հարց ուղղեց  նաեւ  հաղորդավարուհի Լուսինե Բադալյանին (Լուլու), ով նույնպես  հանդես է եկել Պարտադիր Կուտակային կենսաթոշակի համակարգի դեմ ուղղված ֆոտոշարքում: Հաղորդավարուհու տեսակետն այսպիսին էր.«Որքանով ես տեղյակ եմ կուտակային կենսաթոշակային համակարգը բավականին լավ և փորձարկված երևույթ է: Ես ավելի շատ դեմ եմ հենց այս պահին որոշելու և պարտադիր կարգով կիրառելուն: Մենք արդեն վճարում ենք սոցիալական հարկը, դրան էլ գումարել ևս 5% մեր չնչին,  աշխատավարձին, հենց հիմա, երբ մենք գոյության կռիվ ենք տալիս ու օրվա հացի խնդիր ունենք, արդեն անհասկանալի է: Մի փոքր կասկածելի է ինձ համար այս ամենը. կարծում եմ, նրանց պարզապես շտապ գումար էր  անհրաժեշտ ու հենց հիմա որոշեցին հերթական անգամ իրենց գրպանները խնայելով` ժողովրդի չնչին աշխատավարձից տանել:Բայց լավ կանեն, որ նախ  եւ առաջ ապագայի հույս տան, հետո նոր մտահոգվեն մեր ծերության մասին»: