Լավ օրից չէ, որ ազատամարտիկները դուրս են եկել պայքարի

Shabat.am-ը գրում է. -«Բարգավաճ Հայաստան» կուսակցության առաջնորդ Գագիկ Ծառուկյանըվաղը՝ հունվարի 20-ին հրավիրել է խորհրդաժողով՝ քննարկելու երկրում ստեղծված քաղաքական, տնտեսական բարդ վիճակը: Դուք մասնակցելո՞ւ եք այդ ժողովին. շատ ազատամարտիկներ են մասնակցելու:

-Ով ցանկություն ունի, կմասնակցի: Այդ օրը կհետևեք կտեսնենք. եթե այնտեղ լինեմ, ուրեմն կգտնեք ձեր հարցի պատասխանը, եթե այնտեղ չլինեմ, դարձյալ կգտնեք ձեր հարցի պատասխանը:

- Պարոն Մալխասյան, արդյոք ժամանակը չէ՞, որ լինեն կտրուկ գործողություններ, արդյոք չպե՞տք է լիներ ճանապարհային քարտեզ: Այսօր նաև ազատամարտիկներն են հարթակում, բայց ելքեր չեն առաջարկվում:

-Նախևառաջ, լավ օրից չէ, որ ազատամարտիկները դուրս են եկել պայքարի: Մամուլում անընդհատ քննադատում են, որ ազատամարտիկներից ոմանք լիմուզիններ և շքեղ պալատներ ունեն, և կան ազատամարտիկներ, ովքեր աղքատության մեջ են: Սա պետության մեղքն է: Ժամանակին ես ղեկավարում էի ՊՆ-ի զինծառայողների սոցիալական պաշտպանության վարչությունը: Այն ժամանակ մենք խնդիր էինք դրել և հետևողականորեն, ուսումնասիրելով տարբեր երկրների հետպատերազմյան փորձը, առաջարկում էինք լուծումներ կարգավիճակի, հրատապ մյուս խնդիրների հետ կապված, քանի որ անհնար է, որ ազատամարտիկը գնա հայրենիքը պաշտպանելու, հայրենիքի համար պատրաստ լինի զոհվելու և վերադառնա տուն, բայց իր ընտանիքը սոված է, և ինքն ի վիճակի է պահել, աշխատանք չի կարողանում գտնել: Այսօր շատուշատ ազատամարտիկների ընտանիքներ մոռացված վիճակում են ապրում, և դա ամենևին վայել չէ Արցախյան ազատամարտում հաղթող պետության ազատամարտիկին: Իսկ այն ազատամարտիկները, որոնք կարողացել են ինչ-որ բաներ ձեռք գցել, հարստանալ, դառնալ նույն օլիգարխը, դարձյալ իրենց մեղքով չէ, դարձյալ պետությունից աջակցություն չստանալով, յուրաքանչյուրը ընտրել է իր ճանապարհը:

մանրամասները` սկզբնաղբյուրում