Լավրովը ներկայացրել է Ուկրաինայում ռուսական երկրորդ «կարմիր գիծը»

ՌԴ ԱԳ նախարար Սերգեյ Լավրովը հայտարարել է, որ Մոսկվան չի ընդունում ոչ միայն Ուկրաինայի մուտքը ՆԱՏՕ, այլև այդ երկրի տարածքում արևմտյան պետությունների զենքի և ռազմակայանների տեղակայումը։ Այսպիսով, այսօրվա ասուլիսի ժամանակ Լավրովը Ուկրաինայում ռուսական երկրորդ «կարմիր գիծն» է նշել:

Պատասխանելով հայտնի մեդիա փորձագետ Անատոլի Շարիի հարցին՝ ԱԳ նախարարը հերթական անգամ բացատրել է, թե ինչ է ուզում Մոսկվան՝ սկսելով երկխոսություն Արեւմուտքի հետ անվտանգության երաշխիքների շուրջ. «Մենք կտրականապես չենք ընդունում Հյուսիսատլանտյան դաշինքի հայտնվելը հենց մեր սահմանների վրա, հատկապես հաշվի առնելով այն կուրսը, որ վարում է ուկրաինական ղեկավարությունը՝ և՛ նախկին, և՛ ներկա»,- սկսել է Լավրովը, որից հետո անցնելով «երկրորդ կարմիր» գծին։

«Նույնիսկ եթե Ուկրաինան մնա ՆԱՏՕ-ից դուրս, այնտեղ հնարավոր են երկկողմանի համաձայնագրեր ամերիկացիների, բրիտանացիների և արևմտյան այլ երկրների հետ, որոնք այնտեղ ռազմական օբյեկտներ, բազաներ կստեղծեն մասնավորապես Ազովի ծովում»,- պարզաբանել է Լավրովը։

Նա ընդգծել է, որ նման իրավիճակն անընդունելի է նաեւ Մոսկվայի համար։ «Մեր հարևանների, տվյալ դեպքում Ուկրաինայի տարածքում հարվածային զինատեսակների տեղակայումը, որը վտանգ կստեղծի Ռուսաստանի Դաշնության համար, հերթական «կարմիր գիծն» է»,- հայտարարել է ԱԳ նախարարը Ռուսաստանի ղեկավարության դիրքորոշումը։