Լևոնի նկարը իմ գրասենյակի պատից պոկեցի. ՀՀՇ վարչության նախկին անդամ

«Իրատեսի» թիվ 38-րդում հարցազրույց էինք տպագրել ՀՀՇ վարչության նախկին անդամ Երջանիկ Աբգարյանի հետ, որը մեր ընթերցողներից ԹՈՎՄԱՍ ԻՍԿԱՆԴԱՐՅԱՆԻՆ բավականին զայրացրել էր։

Նախկին պաշտոնյայի արտահայտած մտքերը, մեղմ ասած, պարոն Իսկանդարյանի «սրտով» չեն եղել։ Մեզ հետ զրույցում նա պատմեց, թե ինչպես 1995-ին միևնույն ընտրատեղամասում ԱԺ պատգամավորության թեկնածու է եղել Երջանիկ Աբգարյանի հետ, ում, մեր զրուցակցի հավաստմամբ, ոչ ոք այդ ընտրատարածքում չէր ճանաչում, սակայն ժամանակին մաքսային կոմիտեն ղեկավարած Երջանիկ Աբգարյանն ընտրվում է։ Հիշեցնենք, որ այդ ընտրատեղամասն ընդգրկում էր Մեծամոր քաղաքն ու նրա շրջակա գյուղերը։ Նախընտրական քարոզարշավի ժամանակ ՀՀՇ-ական քաղաքական գործիչը խոստացել է, թե Մարգարայի մաքսատունը բացելու է և մարդկանց ապահովելու է աշխատատեղերով. «Բազմաթիվ այլ բաներ էլ խոստացավ, բայց դրանցից ոչ մեկը չիրականացավ։ Հենց այդ թվականի ընտրությունների ժամանակ հիմք դրվեց ընտրակեղծիքներին։ Շատ լավ հիշում եմ մի դրվագ. Մարգարա գյուղում ընտրատեղամասից մի քաղաքացու ծեծելով դուրս հանեցին, այդ ամենին ականատես էին ոստիկանները, սակայն ոչ մի քայլ չարեցին, քանի որ ժամանակի իշխանությունն այդ «իրավունքը» նրանց տվել էր։ Ոստիկաններին, տեղի իշխանիկներին էլ հրահանգված էր, որ պետք է Երջանիկ Աբգարյանը հաղթի, քանի որ ՀՀՇ-ական է։ Ահավոր կեղտոտ, կեղծված ընտրություններ եղան։ Գումարած այս ամենին, նա բոլոր իր աջակիցներին խոստացել էր պաշտոններ տալ։ Բայց դրանք այդպես էլ խոստում մնացին»։
1995-ի ընտրություններից հետո այսօր Երևանում շինարարությունում աշխատող Թովմաս Իսկանդարյանը հասկացավ, որ Հայաստանն իր տեղը չէ։ Ընտանիքով արտագաղթում է Ռուսաստան։ «Ձեզ տված հարցազրույցում Երջանիկ Աբգարյանն ասում է, թե ՀՀՇ-ի տարիներին արտագաղթ չկար։ Ո՞նց չկար։ Մեկը՝ ես։ Անարդարությունից դրդված ընտանիքիս հետ լքեցի երկիրը։ Կա՛մ պետք է բոլոր կեղծարարների դեմ դուրս գայի ու ինձ բանտ տանեին, կա՛մ պետք է հեռանայի»,- շեշտեց մեր զրուցակիցը՝ Տեր-Պետրոսյանի ամենամեծ սխալը համարելով կադրային քաղաքականությունը։
Առաջին նախագահի իշխանության տարիներին մեր զրուցակցին բարկացրել են նաև գործող «երկակի» ստանդարտները։ Պատերազմի տարիներին, երբ ամեն ինչ պետք է ուղղվեր ռազմական գործին, ըստ մեր զրուցակցի, իրականացվում էր լիովին այլ քաղաքականություն։

Շարունակությունը՝ Իրատես դե ֆակտո թերթի այսօրվա համարում: